मधेश प्रदेश, मंसिर १५ गते । मधेश प्रदेशका मुख्यमन्त्री सरोज यादवलाई सर्वोच्च अदालतले २४ घण्टाभित्र विश्वासको मत लिन निर्देशन दिएको छ। न्यायाधीश हरिप्रसाद फुयाल र नित्यानन्द पाण्डेयसमेतको संयुक्त इजलासले सोमबार निर्णय सुनाउँदै निर्धारित समयावधिभित्र विश्वासको मत लिनुपर्ने र त्यसमा असफल भए प्रदेश प्रमुखले संविधानको धारा १६८(२) अनुसार नयाँ सरकार गठन प्रक्रिया सुरु गर्नुपर्ने आदेश दिएको हो।
सर्वोच्चले जारी गरेको परमादेशपछि अब यादवले विश्वासको मत प्राप्त गरे पदमा यथावत् रहनेछन्। तर संसदमा बहुमत जुटाउन नसके प्रदेशमा संयुक्त सरकार गठनको मार्ग प्रशस्त हुनेछ।
मुख्यमन्त्री नियुक्ति प्रक्रिया गैरसंवैधानिक भएको दाबी गर्दै प्रदेशका ७३ सांसदहरूले दर्ता गराएको रिटमाथि सुनुवाइ भएपछि अदालतले यो आदेश जारी गरेको हो।
प्रतिकृया दिनुहोस्
