दोलखा, मंसिर २२ गते । दोलखा जिल्लाको वैतेश्वर गाउँपालिका–६ नाम्दु बजारमा कार र मोटरसाइकल एकआपसमा ठोक्किँदा एक युवक गम्भीर घाइते भएका छन्। दुर्घटनामा जिरी नगरपालिका–४ सिउरानीका ३० वर्षीय धिरज कार्की घाइते भएको जिल्ला प्रहरी कार्यालय दोलखाले जनाएको छ।
ईलाका प्रहरी कार्यालय जिरीका अनुसार चरिकोटबाट जिरीतर्फ जाँदै गरेको बागमती प्रदेश ०२–०३४ प ८६५४ नम्बरको मोटरसाइकल र जिरीबाट चरिकोटतर्फ आइरहेको बा.प्र ०१–०३२ च ०९५८ नम्बरको कार एकआपसमा ठोक्किँदा दुर्घटना भएको हो।
गम्भीर घाइते कार्कीलाई चरिकोटस्थित च्छोरोल्पा अस्पतालमा प्राथमिक उपचारपछि थप उपचारका लागि धुलिखेल अस्पताल रिफर गरिएको प्रहरीले जनाएको छ। दुर्घटनाका सम्बन्धमा थप अनुसन्धान भइरहेको प्रहरीले जनाएको छ।
प्रतिकृया दिनुहोस्
