काठमाडौं, मंसिर २२ गते । सरकारले स्वर्गीय पत्रकार सुरेश रजकलाई सहिद घोषणा गर्ने निर्णय गरेको छ। गत चैत १५ गते तीनकुने घटनामा समाचार संकलनका क्रममा ज्यान गुमाएका रजकलाई सोमबार बसेको मन्त्रिपरिषद्को बैठकले सहिद घोषणा गर्ने निर्णय गरेको हो।
सरकारका प्रवक्ता तथा सञ्चार तथा सूचना प्रविधिमन्त्री जगदीश खरेलका अनुसार रजक पत्रकारिताको दायित्व निर्वाह गर्ने क्रममा ज्यान गुमाएकाले सरकारले सम्मानस्वरूप सहिद घोषणा गर्ने निर्णय गरेको हो।
पत्रकार रजकलाई सहिद घोषणा भएपछि परिवारजनले पाउने सहुलियतलगायतका प्रक्रियाहरू अब सम्बन्धित मन्त्रालयमार्फत अघि बढाइनेछ।
प्रतिकृया दिनुहोस्
