काठमाडौं, चैत ८ गते । काठमाडौंको माइतीघर मण्डलामा युवाहरूले सडक नाटक प्रस्तुत गर्दै सरकारप्रति विरोध जनाएका छन्। भदौ २३ र २४ गते भएको घटनाको छानबिन प्रतिवेदन सार्वजनिक गर्न सरकारले अटेर गरेको आरोप लगाउँदै उनीहरूले प्रदर्शन गरेका हुन्।
प्रदर्शनका क्रममा युवाहरूले प्रधानमन्त्री सुशीला कार्कीको भूमिका निर्वाह गर्दै प्रतीकात्मक रूपमा नाटक प्रस्तुत गरेका थिए। नाटकमार्फत प्रतिवेदन सार्वजनिक नगरेको भन्दै प्रधानमन्त्रीलाई लखेटिएको दृश्य देखाइएको थियो, जसले सरकारको कार्यशैलीप्रति असन्तुष्टि झल्काएको छ।
प्रदर्शनकारीहरूले पारदर्शिता र जवाफदेहिताको माग गर्दै घटनाको सत्यतथ्य सार्वजनिक गर्नुपर्ने बताएका छन्। उनीहरूले सरकारलाई छिटोभन्दा छिटो छानबिन प्रतिवेदन सार्वजनिक गर्न दबाब दिँदै यस्ता कार्यक्रमलाई निरन्तरता दिने चेतावनी समेत दिएका छन्।
प्रतिकृया दिनुहोस्
