नगर विकास रोड,जेठ ६ गते। हेटौंडा उपमहानगरपालिका वडा नम्बर ४ ले आयोजना गर्न लागेको चित्रकला प्रतियोगिता तथा विज्ञान सामग्री प्रदर्शनी कार्यक्रमको मिति र समय परिवर्तन गरिएको छ। वडा नम्बर ४ को आयोजना तथा शैक्षिक गुणस्तर सुधार समितिको व्यवस्थापनमा सञ्चालन हुने उक्त कार्यक्रम विशेष कारणवश पूर्वनिर्धारित तालिकाबाट परिवर्तन गरिएको वडा कार्यालयले जनाएको छ।
यसअघि २०८३ जेठ १४ गते सञ्चालन हुने भनिएको कार्यक्रम अब २०८३ जेठ १३ गते आयोजना हुने भएको हो। वडा कार्यालयद्वारा विद्यालयहरूलाई पठाइएको सूचनाअनुसार चित्रकला प्रतियोगिता बिहान ७ बजेबाट सुरु हुनेछ भने विज्ञान सामग्री प्रदर्शनी बिहान १० बजे सञ्चालन गरिनेछ। दुवै कार्यक्रम हेटौंडास्थित रोयल पार्टी प्यालेसमा आयोजना हुने जनाइएको छ।
विज्ञान सामग्री प्रदर्शनीमा सहभागी विद्यालयहरूले आफ्ना स्टलमार्फत विभिन्न सामग्री प्रदर्शन गर्नेछन्। साथै नृत्य प्रतियोगिता, चित्रकला प्रतियोगिता तथा कार्यक्रमसँग सम्बन्धित शिक्षकहरूलाई आयोजकको तर्फबाट दिवा खाजाको व्यवस्था गरिने वडा कार्यालयले जनाएको छ।
वडा अध्यक्ष नवीन सिग्देलद्वारा जारी सूचनामा विद्यालयहरूलाई संशोधित तालिकाअनुसार सहभागिता सुनिश्चित गर्न अनुरोध गरिएको छ।
