२०८२ जेष्ठ ४, आईतवार २२:१९
२०८२ जेष्ठ ४, आईतवार २२:१९
हेटौँडा। हेटौँडा–काठमाडौं छोटो मार्ग अन्तर्गत मकवानपुरको इन्द्रसरोवर गाउँपालिका–४ स्थित महालक्ष्मी खोलामा शुक्रबार भएको सुमो दुर्घटनामा परी एक भारतीय नागरिकको दुःखद निधन भएको छ। वीरगञ्जबाट काठमाडौँतर्फ जाँदै गरेको ना १ ज २४२९ नम्बरको टाटा सुमो उकालो चढ्ने क्रममा दुर्घटनामा परेको जिल्ला प्रहरी कार्यालय मकवानपुरले जनाएको छ। दुर्घटनामा गम्भीर घाइते भएका भारतको बिहार राज्य मोतिहारी जिल्लाका ६० वर्षीय ललन चौधरीको उपचारका क्रममा शनिबार काठमाडौंको नर्भिक अस्पतालमा निधन भएको प्रहरीले पुष्टि गरेको छ। दुर्घटनामा परी उनको खुट्टा र टाउकोमा गम्भीर चोट लागेको थियो। यसैबीच, प्रहरीले सुमो चालक बारा जिल्लाको गढीमाई नगरपालिका–११ का २८ वर्षीय मनोज चौधरीलाई नियन्त्रणमा लिएर घटनाको थप अनुसन्धान गरिरहेको छ।…
