काठमाडौँ। लोकसेवा आयोगले भोलि जेठ १५ गते काठमाडौंमा सञ्चालन गर्ने तयारी गरेको परीक्षा स्थगित गरेको छ। उक्त दिन नेपाल विद्युत प्राधिकरणका विभिन्न समूह र पदहरूका लागि निर्धारण गरिएका परीक्षाहरू अब जेठ २४ गते हुनेछन्।
जेठ १५ गते सरकारको नेतृत्वकर्ता दल नेकपा एमाले र राजावादीहरूले विभिन्न प्रदर्शन तथा आन्दोलनको घोषणा गरेकाले सम्भावित सुरक्षा चुनौतीलाई ध्यानमा राखी आयोगले यो निर्णय गरेको हो। परीक्षाका लागि करिब ५ हजार जनाले दरखास्त फारम भरेका छन्।
आन्दोलन र प्रदर्शनका कारण परीक्षार्थीहरूलाई पर्न सक्ने असुविधा र सुरक्षा जोखिमलाई मध्यनजर गर्दै परीक्षाको मिति परिवर्तन गरिएको आयोगले जनाएको छ।
प्रतिकृया दिनुहोस्
