रौतहट, अशोज ९ गते । रौतहटको टेकान बसपार्क अगाडि लामो समयदेखि खुला रूपमा देहव्यापार सञ्चालन हुँदै आएको भन्दै स्थानीयवासी आक्रोशित बनेका छन्।
स्थानीयहरूका अनुसार करिब १०–१५ दिनअघि नै गाउँलेहरूको पहलमा यसबारे प्रहरी प्रशासनलाई औपचारिक उजुरी दिइएको थियो। तर, उजुरीपछिको अवधिसम्म पनि कुनै ठोस कारबाही नभएको भन्दै असन्तुष्टि बढ्दो छ।
“हामीले समस्या समाधान होस् भनेर प्रहरीलाई जानकारी गराएका थियौँ, तर अहिले पनि त्यही क्रियाकलाप खुलेआम भइरहेकाले गाउँलेहरूलाई थप आक्रोश बढेको छ,” एक स्थानीयवासीले सामाजिक सञ्जालमार्फत बताएका छन्।
स्रोतका अनुसार प्रहरी प्रशासनले अझै यसबारे सार्वजनिक प्रतिक्रिया दिएको छैन। लगातार बढिरहेको गुनासो र मौन प्रहरी भूमिकाले स्थानीयस्तरमा असुरक्षाको वातावरण सिर्जना भएको बताइन्छ।
स्रोत:- सामाजिक सञ्जाल
प्रतिकृया दिनुहोस्
