खुम्बु क्षेत्र, कार्तिक १२ गते । सगरमाथा आधार शिविर नजिकै लबुचे क्षेत्रमा आज बिहान अल्टिट्युड एयरको एक हेलिकप्टर दुर्घटनामा परेको छ । हेलिकप्टरमा क्याप्टेन मात्रै सवार रहेका र उनी सकुशल रहेको जानकारी प्राप्त भएको छ ।
खुम्बु क्षेत्रमा जारी भारी हिमपातका कारण फसेका पर्यटकलाई उद्धार गर्न गएको 9N-AMS कलसाइनको उक्त हेलिकप्टर आज बिहान करिब ८ बजे दुर्घटनामा परेको हो । ल्याण्डिङ गर्ने क्रममा हिउँ उड्दा दृश्यता कमजोर भएपछि हेलिकप्टर नियन्त्रणमा लिन खोज्दा जमिनमा जोतिएको बताइएको छ ।
सौभाग्यवश, दुर्घटनामा कुनै मानवीय क्षति भएको छैन । क्याप्टेन पूर्ण रूपमा सकुशल रहेका छन् र उनलाई अर्को हेलिकप्टरमार्फत लुक्ला लगिएको लबुचेबाट सृष्टि कुलुङले जानकारी दिएको छ ।
प्रतिकृया दिनुहोस्
