काठमाडौँ,चैत २५ गते । कानुन, न्याय तथा संसदीय मामिला मन्त्री सोभिता गौतमसँग नेपालका लागि स्विजरल्याण्डका राजदूत डाक्टर ड्यानियल म्युलीले शिष्टाचार भेटघाट गरेका छन्।
भेटका क्रममा राजदूत म्युलीले मन्त्री गौतमलाई नवनियुक्त भएकोमा बधाई तथा सफल कार्यकालको शुभकामना व्यक्त गरेका थिए।
उक्त अवसरमा दुई पक्षबीच नेपाल र स्विजरल्याण्डबीचको दीर्घकालीन मैत्री सम्बन्धलाई थप सुदृढ बनाउने विषयमा छलफल भएको थियो। साथै सहकार्यका विविध आयाम, नेपालको शान्ति प्रक्रिया र न्यायमा नागरिकको सहज पहुँच अभिवृद्धि गर्ने विषयमा समेत विचार आदानप्रदान भएको जनाइएको छ।
भेटघाटले दुई देशबीचको सम्बन्धलाई अझ प्रगाढ बनाउने र न्याय क्षेत्रमा सहकार्य विस्तार गर्ने अपेक्षा गरिएको छ।
प्रतिकृया दिनुहोस्
