मकवानपुर । मकवानपुरको मनहरीमा मोटरसाइकलको ठक्करबाट एक महिलाको मृत्यु भएको छ । मकवानपुरको मनहरी गाउँपालिका–७ लच्कास्थित पूर्व–पश्चिम सडक खण्डमा मोटरसाइकलको ठक्करबाट महिलाको मृत्यु भएको जिल्ला प्रहरी कार्यालय मकवानपुरले जनाएको छ ।
प्रहरीका अनुसार मनहरीबाट सुनाचुरीतर्फ जाँदै गरेको बा ६२ प १११४ नम्बरको मोटरसाइकलले हाल नामथर वतन नखुलेको करिब ६० वर्षीय महिलाले बाटो ‘क्रस’ गर्ने क्रममा ठक्कर दिइ मृत्यु भएको हो ।
मोटरसाइकलले ठक्कर दिएर घाइते भएकी महिलाको उपचारका क्रममा हेटौंडा अस्पतालमा मृत्यु भएको प्रहरीले जनाएको छ ।
मोटरसाइकल चालक मनहरी गाउँपालिका–६ का ३२ वर्षीय मन्शु गुरुङलाई नियन्त्रणमा लिएको जानकारी दिइएको छ ।
प्रतिकृया दिनुहोस्
