कपिलवस्तु। कपिलवस्तुको शुद्धोधन गाउँपालिका–५ जयनगरमा ग्यास सिलिन्डर लिक भई आगलागी हुँदा एकै परिवारका दाजु र बहिनीको दुःखद निधन भएको छ।
आइतबार राति खाना पकाउने क्रममा ग्यास सिलिन्डरको रेगुलेटर खोल्ने बित्तिकै आगलागी हुँदा २५ वर्षीय शिवकुमार यादव र उनकी १८ वर्षीया बहिनी सोनम यादव गम्भीर घाइते भएका थिए। उपचारका लागि अस्पताल लैजाँदै गर्दा दुवैजनाको ज्यान गएको जिल्ला प्रहरी कार्यालयका प्रहरी उपरीक्षक निरञ्जनदत्त भट्टले जानकारी दिए।
प्रारम्भिक अनुसन्धानका क्रममा रेगुलेटर खोल्ने बित्तिकै ग्यास लिक भई एक्कासि आगो लागेको खुलेको छ। प्रहरीले घटनास्थलमा पुगेर थप अनुसन्धान गरिरहेको छ। मृतक सोनम राष्ट्रिय मावि मुरफुटवामा कक्षा १० मा अध्ययनरत थिइन्। उनको निधनमा विद्यालयले सोमबार शोक बिदा दिएको प्रअ लालचन्द पाण्डेयले बताए।
प्रतिकृया दिनुहोस्
