रुकुम। रुकुम पश्चिमको बाँफिकोट गाउँपालिकामा बिहीबार साँझ भिरबाट लडेर एक युवकको मृत्यु भएको छ।
जिल्ला प्रहरी कार्यालय रुकुम पश्चिमका सूचना अधिकारी ऋषि पाठकका अनुसार, रुकुमपूर्वको सिस्ने गाउँपालिकाबाट भलिबल खेलेर साथीसँग घर फर्किने क्रममा बाँफिकोट गाउँपालिका-२ मुरापाखा डाँडाबाट लडेर सोही पालिकाको वडा नं १ का ३० वर्षीय अजय मल्लको मृत्यु भएको हो।
भिरबाट लडेर गम्भीर घाइते भएका मल्ललाई प्राथमिक स्वास्थ्यचौकीमा सामान्य उपचारपश्चात् जिल्ला अस्पताल पठाइएपनि चिकित्सकले उनलाई गएराति नै मृत घोषणा गरेका थिए।
प्रतिकृया दिनुहोस्
