काठमाडौं, भदौ २६ गते । देशभर चलिरहेको GenZ Nepal आन्दोलन को नेतृत्वप्रति प्रश्न उठ्न थालेको छ। आन्दोलनको प्रारम्भकर्ता युवाहरूको आवाज अझै जनतासम्म पुग्न नसकेको तर पुराना नेताहरूका आफन्त तथा नातेदारहरूले आफूलाई GenZ नेताका रूपमा प्रस्तुत गर्दै भित्री चलखेल गरिरहेको आरोप लागेको छ।
आन्दोलनको सुरुवात गर्ने मूल युवाहरूले भने आफूहरूको माग र विचारलाई प्रचार–प्रसारमा पाखा लगाइँदै आएको बताएका छन्। उनीहरूका अनुसार स्वतन्त्र पत्रकारहरूले समेत अन्तर्वार्ता वा प्रत्यक्ष धारणा लिन चासो नदेखाउँदा वास्तविक नेतृत्वको आवाज ओझेलमा पर्न पुगेको छ।
“हाम्रो सानो प्रयासलाई सफल बनाउन र जनतासम्म साँचो आवाज पुर्याउन सबैको सहयोग र साथ आवश्यक छ,” उनीहरूले अपिल गरेका छन्। उनीहरू आशावादी छन् कि नागरिकको समर्थन र साथले आन्दोलनलाई अझ सबल र अर्थपूर्ण बनाउन सकिनेछ।
प्रतिकृया दिनुहोस्
