Day: २०८३ आश्विन ३, शनिबार १३:३८

हेटौँडा, असोज ३ गते । पर्सा राष्ट्रिय निकुञ्जअन्तर्गतको मध्यवर्ती क्षेत्रबाट हेटौँडा उपमहानगरपालिका–१२, १३ र १४ लाई हटाउन माग गर्दै मध्यवर्ती क्षेत्रविरुद्ध संघर्ष समितिले हेटौँडा–१३ पदमपोखरीस्थित पदमचोकमा बृहत् पत्रकार सम्मेलन गरेको छ। पत्रकार सम्मेलनमा संघर्ष समितिका संयोजक सोबिन थिङले मध्यवर्ती क्षेत्र घोषणापछि स्थानीय बासिन्दाले भोग्दै आएका समस्या र त्यसबाट परेको प्रभावबारे लिखित वक्तव्य प्रस्तुत गर्दै सरकारसँग उक्त क्षेत्रको निर्णय पुनरावलोकन गर्न माग गरे। संघर्ष समितिले तत्कालीन पर्सा वन्यजन्तु आरक्षको मध्यवर्ती क्षेत्रअन्तर्गत हेटौँडा–१२, १३ र १४ लाई समेट्ने गरी गरिएको मन्त्रिपरिषद्को निर्णय तथा पछि पर्सा राष्ट्रिय निकुञ्ज कायम गर्ने निर्णय बदर वा उल्टाउनुपर्ने एकसूत्रीय माग अघि सारेको छ। संयोजक थिङका अनुसार विसं…