हेटौंडा, मंसिर १८ गते । अखिल (समाजवादी) मकवानपुरको पाँचौँ पूर्ण बैठक हेटौंडामा सम्पन्न भएको छ। बैठकले संगठन विस्तार र आगामी राजनीतिक कार्यक्रमलाई केन्द्रमा राख्दै महत्वपूर्ण निर्णयहरू गरेको छ।
बैठकले अखिल (समाजवादी) मकवानपुरका अध्यक्ष सुबास सीको संयोजकत्वमा २३ सदस्यीय २५औँ जिल्ला सम्मेलन आयोजक समिति गठन गरेको छ। समितिले जिल्लाभरि संगठनात्मक तयारीलाई तीव्रता दिने र सम्मेलनलाई प्रभावकारी बनाउने दायित्व पाएको छ।
त्यसैगरी, आगामी निर्वाचन लक्षित कार्ययोजना अनुसार मकवानपुर क्षेत्र नं. १ को समन्वय जिम्मेवारी सुबास सीलाई र क्षेत्र नं. २ को कार्यदायित्व सूर्य सीलाई तोकिएको छ। साथै जिल्लाका विभिन्न क्याम्पसहरूमा इकाई सम्मेलन सञ्चालन गर्ने निर्णय पनि बैठकले गरेको छ।
बैठकमा नेपाल कम्युनिस्ट पार्टी (माओवादी) का केन्द्रिय सदस्य तथा मकवानपुर इन्चार्ज राम सी प्रमुख अतिथि थिए भने अखिल (समाजवादी) का केन्द्रिय सचिव तथा नारायणी–मधेस प्रदेश इन्चार्ज अटल सी विशेष अतिथिका रूपमा उपस्थित थिए। पेमा सी, लोकेश सी, विवेक सीलगायतको आतिथ्यता बैठकमा रहेको थियो।
बैठकले संगठनलाई थप सबल बनाउँदै जिल्लामा हुने २५औँ सम्मेलन सफल र प्रभावकारी रूपमा सम्पन्न गर्न सबै संरचनालाई सक्रिय हुन आह्वान गरेको छ।
