दोलखा, मंसिर २३ गते । भिमेश्वर नगरपालिका–६ चिताङथलीमा आज साँझ रामकृष्ण श्रेष्ठको दुई तले ढुङ्गा–माटोले बनेको कच्ची गोठमा आगलागी भएको छ। कुँडो पकाउने क्रममा सुरु भएको आगो विस्तारै फैलिँदै गएपछि दोलखास्थित सबै सुरक्षा निकायका सिनियर अधिकृतको नेतृत्वमा उद्धार टोली तत्काल घटनास्थलतर्फ खटिएको थियो।
सुरक्षा निकायका टोली तथा स्थानीयवासीको संयुक्त प्रयासमा करिब साढे सात बजेतिर आगो पूर्ण रूपमा नियन्त्रणमा लिन सफल भएको प्रहरीले जनाएको छ। आगलागीबाट कुनै पनि मानवीय क्षति वा गोठमा राखिएका चौपायामा समेत क्षति भएको छैन।
प्रहरीका अनुसार घटनाको थप विवरण संकलन भइरहेको छ।
प्रतिकृया दिनुहोस्
