रौतहट, पुस ६ गते । रौतहटको देवाहिगोनाही नगरपालिका–६ कर्कचस्थित श्री आधारभूत विद्यालय कर्कचमा अध्ययनरत सबै छात्रहरूलाई छात्रवृत्ति वितरण गरिएको छ। विद्यालयले आयोजना गरेको एक कार्यक्रममा छात्रवृत्ति वितरण गरिएको हो।
कार्यक्रममा विद्यालयका प्रधानाध्यापक हृदयनारायण साहको अध्यक्षता रहेको थियो भने वडा सदस्य उमेश महतो लगायत स्थानीय व्यक्तित्वहरूको उपस्थिति रहेको थियो। कार्यक्रममा बोल्ने वक्ताहरूले छात्रवृत्तिले विद्यार्थीहरूको शैक्षिक निरन्तरतामा सकारात्मक प्रभाव पार्ने विश्वास व्यक्त गरे।
विद्यालय प्रशासनका अनुसार आर्थिक अवस्थाका कारण पढाइ प्रभावित नहोस् भन्ने उद्देश्यले सबै छात्रलाई छात्रवृत्ति उपलब्ध गराइएको हो। कार्यक्रममा विद्यार्थी, अभिभावक तथा शिक्षकहरूको उल्लेखनीय सहभागिता रहेको थियो।
प्रतिकृया दिनुहोस्
