हेटौडा, पुस २५ गते । महिला सेवा साकोसको आयोजनामा तथा हेटौंडा उपमहानगरपालिका वडा नं. १३ को आर्थिक सहयोगमा १० दिने डल कुसन बनाउने तालिम आजबाट सुरु गरिएको छ। तालिम कार्यक्रम संस्थाकी अध्यक्ष श्री अचला शर्माको सभाध्यक्षतामा सम्पन्न भएको हो।
कार्यक्रमका प्रमुख अतिथि हेटौंडा उपमहानगरपालिका वडा नं. १३ का वडा अध्यक्ष श्री पेम्बा लामाले तालिमको औपचारिक शुभारम्भ गरेको थियो। उद्घाटन कार्यक्रममा बोल्दै उनले यस्ता सीपमूलक तालिमले महिलाहरूको आत्मनिर्भरता अभिवृद्धि गर्ने र स्वरोजगारतर्फ उन्मुख गराउने विश्वास व्यक्त गरे।
तालिम मार्फत सहभागी महिलाहरूलाई डल कुसन बनाउने सीप प्रदान गरिने आयोजक संस्थाले जनाएको छ। १० दिनसम्म सञ्चालन हुने यस तालिमले महिलाहरूको सीप विकास तथा आर्थिक सशक्तीकरणमा सहयोग पुग्ने अपेक्षा गरिएको छ।
प्रतिकृया दिनुहोस्
