झापा । झापाको दमकस्थित एक होटलमा एक महिला मृत अवस्थामा फेला परेकी छन्। झापा जिल्लाको शिवसताक्षी नगरपालिका–११, ब्याङडाडा नजिकै घर भएकी अन्दाजी २५ वर्षीया करिष्मा निराैला दमकको ढावा होटलमा मृत फेला परेकी हुन्।
प्राप्त जानकारीअनुसार, करिष्मा हिजो दिउँसो करिब १ बजेतिर सो होटलको कोठा नम्बर १७ बुक गरेर बसेकी थिइन्। तर आज बिहान सोही कोठामा उनको शव फेला परेको हो। घटनापछि होटल सञ्चालकले प्रहरीलाई खबर गरेका थिए।
इलाका प्रहरी कार्यालय दमकका अनुसार मृतकको शव पोस्टमार्टमका लागि तयारी भइरहेको छ भने घटनाको थप अनुसन्धान र कानुनी प्रक्रिया अघि बढाइएको छ। मृत्युको कारण यथार्थ खुल्न बाँकी रहेको प्रहरीले जनाएको छ।
प्रतिकृया दिनुहोस्
