काठमाडौँ। नागरिक उन्मुक्ति पार्टी (नाउपा) भित्रको विवाद चुलिएको छ। पार्टी संरक्षक रेशम चौधरीले आफ्नी पत्नी र पार्टी अध्यक्ष रञ्जिता श्रेष्ठलाई पदबाट हटाएका छन्।
बुधबार साँझ बसेको रेशम पक्षको बैठकले श्रेष्ठलाई अध्यक्षबाट हटाउने निर्णय गरेको नाउपाका महासचिव ठाकुरसिंह थारुले जानकारी दिए। यो घटनाले रेशम चौधरी र रञ्जिता श्रेष्ठबीचको राजनीतिक मतभेद अब पारिवारिक बेमेलबाट राजनीतिक सम्बन्ध विच्छेदको चरणमा पुगेको स्पष्ट पारेको छ।
प्रतिनिधि सभामा ४ सिट रहेको र सुदूरपश्चिम तथा लुम्बिनी प्रदेश सभामा समेत उपस्थिति जनाएको नाउपा अहिले विभाजनको सँघारमा पुगेको छ। यसअघि रञ्जिता श्रेष्ठले केही दिन आराम गर्ने भन्दै कार्यवाहक अध्यक्ष तोकेकी थिइन्।
प्रतिकृया दिनुहोस्
