काठमाडौं, भदौ २६ गते । हालै भदौ २३ र २५ गते भएका प्रदर्शनका क्रममा नेपाल प्रहरीसहित अन्य सुरक्षा निकायका हातहतियार, सञ्चार उपकरण, सवारीसाधन, असबाब तथा विभिन्न भौतिक साधनहरू प्रदर्शनकारीको नियन्त्रणमा परेको वा कतै फेला परेको भए फिर्ता बुझाउन प्रहरीले अनुरोध गरेको छ।
नेपाल प्रहरी प्रधान कार्यालय, नक्सालबाट जारी विज्ञप्तिअनुसार यस्तो सामग्री फेला परेमा नजिकको प्रहरी वा सुरक्षा निकायको कार्यालय, जिल्ला प्रहरी कार्यालय, प्रहरी कन्ट्रोल १००, टोल फ्री नम्बर १६६००१४१५१६ वा नेपाल प्रहरी प्रधान कार्यालयको सम्पर्क नम्बर ९८५१२९३४५९ मा सम्पर्क गर्न सकिनेछ।
त्यस्तै आन्दोलनका क्रममा प्रदर्शनकारीहरूले नियन्त्रणमा लिएका प्रहरीको पोशाक दुरुपयोग नगर्न तथा सो सम्बन्धी सूचना पनि उपलब्ध गराउन प्रहरीको अनुरोध छ।
प्रतिकृया दिनुहोस्
