धनगढी, भदौ २८ गते । धनगढी उपमहानगरपालिकाका मेयर गोपाल हमालले अन्तरिम सरकारकी प्रधानमन्त्री सुशीला कार्कीलाई बधाई दिँदै सफल कार्यकालको शुभकामना व्यक्त गरेका छन्। उनले नयाँ सरकारसमक्ष पहिलो प्राथमिकताका रूपमा भ्रष्टाचार अन्त्य गर्नुपर्नेमा जोड दिएका छन्।
हमालले जेनजी आन्दोलनको मुख्य माग नै भ्रष्टाचार विरुद्धको लडाइँ रहेको उल्लेख गर्दै प्रधानमन्त्रीलाई एक साताभित्र ठूला भ्रष्टाचारीहरूको सम्पत्ति राष्ट्रियकरण गरी उनीहरूलाई जेल हाल्न माग गरेका छन्। उनका अनुसार देशको रूपान्तरण र सुशासनको आधार नै शुद्ध र जवाफदेही राजनीतिक प्रणाली निर्माणमा रहन्छ।
उनले थपे, “जनताले परिवर्तनको लागि बलिदान दिएका छन्। अब सरकारले समयमै कडा कदम चाल्न सके मात्र नयाँ पुस्ताको विश्वास जित्न सक्नेछ।”
प्रतिकृया दिनुहोस्
