पर्वत, भदौ २९ गते । मोदी गाउँपालिका, पर्वतका युवाहरूले गाउँपालिकाले पछिल्ला ३ वर्षमा खर्च गरेको बजेट, सार्वजनिक निर्णयहरू, र सम्पत्तिको विवरण तत्काल सार्वजनिक गर्न माग गरेका छन्। Gen-Z पुस्ताका युवाहरूले गाउँपालिकामा पारदर्शिता र जवाफदेहिताको अभाव भएको भन्दै औपचारिक रूपमा चार बुँदे मागपत्र पेस गरेका हुन्।
युवाहरूको मुख्य मागहरूमा आर्थिक पारदर्शिता, राजनीतिक जवाफदेहिता, जनप्रतिनिधिहरूको व्यक्तिगत सम्पत्ति विवरण, र गाउँपालिकाका बैठकहरू लाइभ गर्ने व्यवस्था समावेश छन्। यदि माग सम्बोधन नभएमा कडा कदम चाल्ने चेतावनी पनि उनीहरूले दिएका छन्।
प्रतिकृया दिनुहोस्
