हेटौँडा, अशोज १ गते । बागमती प्रदेश सभाका सभामुख माननीय भुवन कुमार पाठकले आफ्नो पदबाट राजीनामा दिएका छन्।
हालै सम्पन्न युवा–विद्यार्थीको भ्रष्टाचारविरुद्धको आन्दोलन तथा सुशासनको पक्षमा उठेको जनचाहनालाई समर्थन गर्दै पाठकले राजीनामा दिएको विज्ञप्तिमा उल्लेख गरिएको छ। उनले भदौ २४ गते सामाजिक सञ्जालमार्फत नै राजीनामाको घोषणा गरे पनि संवैधानिक तथा कानूनी प्रक्रिया अनुसार आज औपचारिक रूपमा प्रदेश सभामा राजीनामा बुझाएका हुन्।
सभामुख पाठकले विज्ञप्तिमा जनताको भावना र युवाको इच्छाअनुसार जिम्मेवारी वहन गर्न नसक्ने भएकाले पद त्याग्ने निर्णय गरेको स्पष्ट पारेका छन्।
अब बागमती प्रदेश सभामा नयाँ सभामुख चयनको प्रक्रिया सुरु हुने भएको छ।
प्रतिकृया दिनुहोस्
