Day: २०८२ आश्विन १, बुधबार २२:३१

हेटौडा, अशोज १ गते । यही भदौ २४ गते जेन-जी युवा आन्दोलनका क्रममा भएको तोडफोड र आगजनीका कारण हेटौडा उपमहानगरपालिकाका विभिन्न कार्यालयहरूमा व्यापक क्षति भएको छ। नगर प्रवक्ता तथा वडा नं. १ का वडाध्यक्ष सबिन न्यौपानेका अनुसार नगरपालिकाको राजस्व शाखा, न्यायिक समिति, योजना महाशाखा, सूचना प्रविधि शाखा र स्वास्थ्य शाखा पूर्णरूपमा जलेर नष्ट भएका छन्। त्यस्तै, प्रमुख प्रशासकीय अधिकृत, प्रमुख तथा उपप्रमुखको कार्यकक्षमा समेत तोडफोड र आगजनी भएको छ। नगरपालिकाका करिब ११ वटा साना सवारी साधन, २४ वटा मोटरसाइकल तथा स्कुटर जलेर नष्ट भएका छन्। साथै, एक टिफर, एक जेसीबी र एक सवारी साधनमा क्षति पुगेको छ। हेटौडा उपमहानगरपालिकाअन्तर्गतका वडा…

हेटौंडा, अशोज १ गते । गत २०८२ भदौ २४ गते Jen-Z आन्दोलनको क्रममा बिभिन्न मन्त्रालय तथा कार्यालयहरुबाट चोरी र लुटपाट गरी लैजान लागेको सामान प्रहरीले नियन्त्रणमा लिएर सम्बन्धित निकायलाई फिर्ता गरेको छ। जिल्ला प्रहरी कार्यालय मकवानपुर तथा मातहत प्रहरी टोलीले नियन्त्रणमा लिएका ती सामग्रीहरु हिजो सम्बन्धित कार्यालयका कर्मचारीहरुलाई बोलाई एकिन गराई बुझाइएको हो। प्रहरीका अनुसार फिर्ता गरिएका सामानहरुमा मदन भण्डारी स्वास्थ्य विज्ञान प्रतिष्ठान हेटौंडाको कम्प्युटर सेट ४ थान, प्रिन्टर ३ थान, फोटोकपी मेसिन १ थान, फ्रिज १ थान लगायत १२ प्रकारका सामग्री,बागमती प्रदेश सामाजिक विकास मन्त्रालयको कम्प्युटर सेट ३ थान, ल्यापटप १ थान, इन्डक्सन चुलो १ थान, र बागमती प्रदेश…

हेटौँडा, अशोज १ गते । बागमती प्रदेश सभाका सभामुख माननीय भुवन कुमार पाठकले आफ्नो पदबाट राजीनामा दिएका छन्। हालै सम्पन्न युवा–विद्यार्थीको भ्रष्टाचारविरुद्धको आन्दोलन तथा सुशासनको पक्षमा उठेको जनचाहनालाई समर्थन गर्दै पाठकले राजीनामा दिएको विज्ञप्तिमा उल्लेख गरिएको छ। उनले भदौ २४ गते सामाजिक सञ्जालमार्फत नै राजीनामाको घोषणा गरे पनि संवैधानिक तथा कानूनी प्रक्रिया अनुसार आज औपचारिक रूपमा प्रदेश सभामा राजीनामा बुझाएका हुन्। सभामुख पाठकले विज्ञप्तिमा जनताको भावना र युवाको इच्छाअनुसार जिम्मेवारी वहन गर्न नसक्ने भएकाले पद त्याग्ने निर्णय गरेको स्पष्ट पारेका छन्। अब बागमती प्रदेश सभामा नयाँ सभामुख चयनको प्रक्रिया सुरु हुने भएको छ।

हेटौंडा, अशोज १ गते । जेन जि युवा पुस्तकद्वारा सुरु गरिएको आन्दोलनका क्रममा बागमती प्रदेशको सामाजिक विकास मन्त्रालयमा भीषण क्षति पुगेको छ। मन्त्रालयका अधिकांश कोठा र संरचनाहरू जलेर नष्ट भएका छन् भने केही महत्त्वपूर्ण कागजात र सम्पत्ति चोरीसमेत भएको मन्त्रालयका अधिकृत अमृत अधिकारीले जानकारी दिएका छन् । २४ गतेदेखि सुरु भएको आन्दोलनपछि २५ गतेदेखि मन्त्रालयले ग्राउन्ड चौर र क्यान्टिनमा बसेर काम अघि बढाइरहेको छ। अधिकारीका अनुसार स्टोर शाखा, लेखा शाखा र उच्च शिक्षासम्बन्धी शाखाका भवनहरू पूर्णरूपमा जलेका छन्। प्रशासन महाशाखाको एउटा कोठा मात्र सुरक्षित रहेकाले हाल त्यसैबाट काम चलाइरहेको छ। आगजनी र तोडफोडका कारण सचिवालय, मन्त्रीको कार्यकक्षलगायतका कोठामा पनि ठूलो…