हेटौँडा, अशोज १ गते । नेपाल पत्रकार महासंघले कोल्बी डटकमका सम्पादक अशेष ढुङ्गानामाथि भएको आक्रमणप्रति गम्भीर ध्यानाकर्षण भएको जनाएको छ।
गएको भदौ २४ गते जेन्जी समूहले बाराको कोल्वेदीमा गरेको प्रदर्शनको समाचार संकलन गर्न पुगेका पत्रकार ढुङ्गानामाथि आन्दोलनकारीले आक्रमण गरेको महासंघले विज्ञप्ति जारी गरी जनाएको हो। महासंघले यस घटनाप्रति गम्भीर आपत्ति जनाउँदै पत्रकारमाथि भएको आक्रमणको कडा शब्दमा निन्दा गरेको छ।
महासंघले सूचना दिनका लागि खटिने पत्रकारको पेशागत सम्मान गर्न सबै पक्षलाई आग्रह गर्दै घटनामा संलग्न व्यक्तिमाथि आवश्यक कानुनी कारबाही गर्न सम्बन्धित निकायसँग माग गरेको छ।
प्रतिकृया दिनुहोस्
