हेटौँडा, चैत ९ गते । मकवानपुरको हेटौडा उपमहानगरपालिका–४ कर्राचोक नजिक समितपथस्थित बिजुलीको पोलबाट लड्दा एक युवकको मृत्यु भएको छ।
अपराह्न करिब ४:५० बजे नेटफिलिक्स इन्टरनेट सेवामा कार्यरत राक्सिराङ गाउँपालिका–६ खरकाण्डेताल टोल घर भई हाल हेटौडा–१ चौकीटोलमा डेरा गरी बस्दै आएका अन्दाजी १८ वर्षीय भुवन चेपाङ इन्टरनेटको तार जडान गर्ने क्रममा अचानक पोलबाट लडेर गम्भीर घाइते भएका थिए।
घाइते चेपाङलाई तत्काल उपचारका लागि हेटौडा अस्पताल मकवानपुर पठाइएको थियो। उपचारकै क्रममा सोही दिन बेलुका करिब ५:३० बजे चिकित्सकले उनलाई मृत घोषणा गरेका हुन्।
घटनाबारे थप अनुसन्धान भइरहेको प्रहरीले जनाएको छ।
प्रतिकृया दिनुहोस्
