हेटौँडा, चैत ११ गते । मकवानपुरको बकैया गाउँपालिका–११ घट्टेपाखामा आज बिहान भएको सवारी दुर्घटनामा एक जनाको मृत्यु भएको छ भने अर्का एक जना घाइते भएका छन्।
आज बिहान करिब २:५० बजे ना ८ ख ८७६० नम्बरको आइचर ट्रक अनियन्त्रित भई दुर्घटना हुँदा गाडीमा सवार दुई जना घाइते भएका थिए।
दुर्घटनामा गम्भीर घाइते भएका वीरगन्ज महानगरपालिका–३२ निवासी २० वर्षीय सन्तोष यादवको उपचारको क्रममा मृत्यु भएको प्रहरीले जनाएको छ।
यसैगरी, सोही स्थानका ३२ वर्षीय कृष्ण यादव घाइते भएका छन्। उनको अवस्था मध्यम रहेको र थप उपचारका लागि भरतपुर पठाइएको जनाइएको छ।
दुर्घटनाको कारणबारे अनुसन्धान भइरहेको प्रहरीले जनाएको छ।
प्रतिकृया दिनुहोस्
