काठमाडौँ,चैत २५ गते । प्रशासकीय अदालतले सिंहदरबार परिसर प्रवेश सम्बन्धी नयाँ व्यवस्था लागू गरेको छ। अदालतको प्रशासन शाखाले हिजो एक सूचना जारी गर्दै अदालतसँग सम्बन्धित काम कारबाहीका लागि आउने सेवाग्राही तथा सरोकारवालाहरूका लागि प्रवेश प्रक्रिया स्पष्ट पारेको हो।
जारी सूचनाअनुसार, पदाधिकारी तथा कर्मचारीहरूलाई सम्बन्धित निकायको आधिकारिक परिचयपत्रका आधारमा प्रवेश दिइने व्यवस्था गरिएको छ। त्यस्तै, कानुन व्यवसायीहरूले सिंहदरबार गेट पासका आधारमा प्रवेश पाउनेछन्।
मुद्दाका पक्ष वा वारिसलाई भने सम्बन्धित तारिख पर्चाका आधारमा प्रवेश अनुमति दिइनेछ। साथै अन्य आगन्तुक तथा सरोकारवालाहरूका लागि प्रशासकीय अदालतको दैनिक ई-पास अनिवार्य गरिएको छ।
अदालतले प्रशासकीय अदालतबाहेक अन्य मन्त्रालय वा निकायमा प्रवेश गर्नुपर्ने अवस्थामा सम्बन्धित निकायसँग समन्वय गर्नुपर्ने पनि सूचनामा उल्लेख गरेको छ।
यस्तै, अत्यावश्यक अवस्थामा तत्काल प्रवेश आवश्यक परेमा अदालतले तोकेका कर्मचारीहरूसँग सम्पर्क गर्न सकिने व्यवस्था गरिएको छ। यसका लागि कम्प्युटर अपरेटर हेमन्त पुलामी मगर र सूचना प्रविधि सहायक सुधा न्यौपानेको सम्पर्क नम्बर उपलब्ध गराइएको छ।
प्रशासकीय अदालतद्वारा जारी सूचना यस्तो छ हेर्नुहोस्।
