हेटौंडा, असार २४ गते । लागूऔषध (अफिम) मुद्दामा २० वर्ष कैद सजाय भुक्तान गरिरहेका र नख्खु कारागारबाट फरार भएका एक प्रतिवादीलाई मकवानपुर प्रहरीले पक्राउ गरेको छ।
प्रहरीका अनुसार २०८२ साल भदौ २३–२४ गते भएको जेन्जी आन्दोलनका क्रममा नख्खु कारागारबाट फरार भएका जिल्ला मकवानपुर बकैया गाउँपालिका–६, ज्यामिरे निवासी ३९ वर्षीय सुकलाल वाइवालाई खोजतलासका क्रममा पक्राउ गरिएको हो।
इलाका प्रहरी कार्यालय फापरबारीबाट खटिएको प्रहरी टोलीले २०८३ असार २३ गते बिहान करिब १० बजे बकैया गाउँपालिका–४ स्थित जुरेली बजारबाट वाइवालाई नियन्त्रणमा लिएको जनाएको छ।
पक्राउ परेका वाइवालाई आवश्यक कानुनी प्रक्रिया पूरा गरी भीमफेदी कारागार पठाइएको इलाका प्रहरी कार्यालय फापरबारीले जनाएको छ।
प्रतिकृया दिनुहोस्
