मिलन भट्टराई

ईलाम। मोरङको बेलबारीबाट प्रकाशित बेतना दैनिकका प्रधान सम्पादक नरेन्द्र बस्नेतलाई राष्ट्रिय चलचित्र पत्रकारिता सम्मान २०८२ प्रदान गरिएको छ । बुधबार ईलामको सुर्योदय नगरपालिकास्थित अन्तुमा आयोजित चलचित्र पत्रकार संघको २६ औँ बार्षिकोत्सबका अबसरमा बस्नेतलाई सो सम्मान प्रदान गरिएको हो । चलचित्र बिकास बोर्डका अध्यक्ष दिनेश डिसी,बरिष्ठ नायक नायिका बसुन्धरा भुसाल,शिव श्रेष्ठ,गौरी मल्ल,मोहन निरौला लगायतले बस्नेतलाई सो सम्मान प्रदान गरेका हुन । दुई दशक बढी समयदेखि पत्रकारिता क्षेत्रमा क्रियाशिल बस्नेतलाई पत्रकारिता क्षेत्र मार्फत पुर्याएको योगदानको कदर सो सो सम्मान प्रदान गरिएको हो।

मोरङ। उर्लाबारी नगरपालिका वडा नं ३ स्थित त्रिवेणी चोक आसपास क्षेत्रमा अब्यवस्थित रूपमा राखिएका केवल तथा इन्टरनेटका तारलाई व्यवस्थित गर्न नगरपालिकाले ७ दिनको अल्टिमेटम दिएको छ। बिहीबार एक सूचना जारी गर्दै नगरपालिकाले ती तारले नगरको सौन्दर्यमा नकारात्मक असर पार्नुका साथै दुर्घटनाको जोखिम बढाएको उल्लेख गरेको छ। नगरपालिकाले त्रिवेणी चोक क्षेत्र वरपर अनियन्त्रित रूपमा टाँगिएका इन्टरनेट तथा केवलका तारले सडक तथा सार्वजनिक स्थानहरू कुरुप देखिनुका साथै पैदल यात्री तथा सवारी साधन चलाउनेहरूका लागि खतरा उत्पन्न गरेको जनाएको छ। साथै सूचनामा तोकिएको समयसीमा भित्र तारहरू व्यवस्थित नगरेमा नगरपालिका स्वयंले हटाउने चेतावनी दिइएको छ र त्यसबाट हुने खर्च सम्बन्धित कम्पनीबाट असुल उपर गरिने…