विज्ञान/प्रविधि

काठमाडौं, भदौ १९ । नेपाल दूरसञ्चार प्राधिकरणले नेपाल भित्र प्रयोगमा रहेका विभिन्न सामाजिक सञ्जाल प्लेटफर्महरूलाई तत्काल निष्क्रिय गर्न सेवा प्रदायकहरूलाई निर्देशन दिएको छ। प्राधिकरणले २०८२ साल भदौ १९ गते (२०८२ को मन्त्रिपरिषद्को निर्णयअनुसार) सञ्चार तथा सूचना प्रविधि मन्त्रालयको आदेशमा यो निर्देशन जारी गरेको हो। निर्देशनअनुसार नेपालमा अब फेसबुक, फेसबुक मेसेंजर, इन्स्टाग्राम, युट्युब, व्हाट्सएप, ट्विटर (X), लिंक्डइन, स्न्यापच्याट, रिडिट, डिस्कोर्ड, पिन्टरेस्ट, सिग्नल, थ्रेड्स, वीच्याट, क्वोरा, टम्बलर, क्लबहाउस, मास्टोडन, रमबल, मीवी, भीके (VK), लाइन, आइएमओ (IMO), जालो (Zalo), सोल (Soul) र हाम्रापत्रो जस्ता सामाजिक सञ्जालहरू निष्क्रिय गरिने भएका छन्।

काठमाडौं, भदौ १९ गते । नेपाल दूरसञ्चार प्राधिकरणको निर्देशन, नेपाल सरकार मन्त्रिपरिषद्को निर्णय तथा सञ्चार तथा सूचना प्रविधि मन्त्रालयको मन्त्रिस्तरीय बैठकको निर्णयअनुसार नेपालमा दर्ता नभएका सामाजिक सञ्जाल प्लेटफर्महरू सञ्चालनमा रोक लगाइने भएको छ। यस सम्बन्धमा एनसेल आजियाता लिमिटेडले जारी गरेको सूचनामा भनिएको छ कि नेपालमा आधिकारिक रूपमा दर्ता नभएका सामाजिक सञ्जाल प्लेटफर्महरू आगामी दिनमा एनसेलको इन्टरनेट सेवामार्फत प्रयोग गर्न नसकिनेछ। एनसेलले भनेको छ– "यसबाट पर्न जाने असुविधा प्रति हामी क्षमाप्रार्थी छौं। यद्यपि टिकटक र भाइबरलगायत नेपालमा दर्ता भइसकेका सामाजिक सञ्जाल प्लेटफर्महरू भने एनसेलको डाटा सेवामार्फत चलाउन सकिनेछन्।" यसअघि नेपाल सरकार र प्राधिकरणले २०८० सालमै सामाजिक सञ्जाललाई व्यवस्थित गर्ने उद्देश्यले दर्ता…

हेटौंडा, भदौ १८ गते । नेपाल सरकारले फेसबुकलाई दर्ता प्रक्रिया पूरा गर्न सात दिनको थप समय दिएको छ। यसअघि सरकारले सामाजिक सञ्जाललाई अनिवार्य दर्ता गराउन प्रक्रिया अगाडि बढाएको थियो। सोही क्रममा फेसबुक लगायतका सामाजिक सञ्जालले तोकिएको समयसीमा भित्र दर्ता नगरेमा नेपालभित्र पूर्णरुपमा निष्क्रिय बनाइने चेतावनीसमेत दिइएको थियो। सरकारी निर्णयअनुसार अहिले फेसबुकलाई तत्काल बन्द नगरी दर्ता प्रक्रिया अघि बढाउन फेरि सात दिनको म्याद थप गरिएको हो। यसअघि दर्ता नगर्ने सामाजिक सञ्जालमाथि सरकारले कडाइका साथ कारबाही गर्ने तयारी गरिरहेको थियो।