समाचार

मोरङ। मोरङको कानेपोखरी गाउँपालिका–४ स्थित कानेपोखरी–रंगेली सडकखण्डमा बसको ठक्करबाट एक १० वर्षीया बालिकाको मृत्यु भएपछि आक्रोशित स्थानीयले सडक अवरुद्ध गरेका छन्। मंगलबार बिहान सवा ८ बजेतिर कानेपोखरी नजिकै पूर्वबाट पश्चिमतर्फ जाँदै गरेको यात्रुबाहक बसले बाटो काट्दै गरेकी बालिकालाई ठक्कर दिएको थियो। गम्भीर घाइते भएकी बालिकालाई उपचारका लागि रंगेली अस्पताल लैजाँदै गर्दा बाटैमा मृत्यु भएको प्रहरीले जनाएको छ। मृतक बालिकाको परिचय खुलेको छैन भने घटनापछि चालक फरार रहेको बताइएको छ। स्थानीयवासीले पीडित परिवारलाई उचित क्षतिपूर्तिको माग गर्दै सडक अवरुद्ध गरेका हुन्। उनीहरूले दोषी चालकलाई तत्काल पक्राउ गर्न र पीडित परिवारलाई न्याय दिन माग गरेका छन्। प्रदर्शनका कारण सडकमा सवारी सञ्चालन प्रभावित…

काठमाडौं। नागरिक उन्मुक्ति पार्टीका संरक्षक रेशम चौधरीलाई थुनामा पुर्‍याउने सर्वोच्च अदालतका शाखा अधिकृत महिमान विष्ट एक लाख रुपैयाँ धरौटीमा रिहा भएका छन्। काठमाडौं जिल्ला अदालतका न्यायाधीश दिनबन्धु बरालको एकल इजलासले आज उनलाई धरौटीमा रिहा गर्न आदेश दिएको हो। प्रहरीले विष्टलाई झूटो सूचना दिएको र लिखतसम्बन्धी कसुरमा अनुसन्धान अघि बढाउँदै गत वैशाख १७ गते पक्राउ गरी हिरासतमा राखेको थियो। विष्टले स्वेच्छाले चौधरीलाई पक्राउ गर्न भन्दै प्रहरीमा पत्राचार गरेको भेटिएपछि उनलाई पक्राउ गरिएको थियो। पक्राउपछि आवश्यक कारबाहीका लागि उनलाई जिल्ला प्रहरी परिसर काठमाडौंको नियन्त्रणमा राखिएको थियो। विष्टले लेखेको पत्रका आधारमा रेशम चौधरी पाँच घण्टा डिल्लीबजार कारागारमा थुनिएका थिए। शाखा अधिकृत विष्टको पत्रकै…

सुनसरी। सुनसरीको बराहक्षेत्र नगरपालिका–६, नेताचोकमा एक युवकले नशाको अवस्थामा आफ्नै आमामाथि बलात्कार गरेको आरोपमा पक्राउ परेका छन्। २५ वर्षीय ती युवकले ३९ वर्षीया आमामाथि जबरजस्ती करणी गरेको उजुरी परेपछि इलाका प्रहरी कार्यालय महेन्द्रनगरले उनलाई नियन्त्रणमा लिएको हो। पीडित पक्षका आफन्तले दिएको जाहेरीका आधारमा प्रहरी अनुसन्धान अघि बढाइएको छ। प्रहरीका अनुसार घटनास्थलमा पुग्नेबित्तिकै युवकलाई नियन्त्रणमा लिइएको थियो। प्रारम्भिक अनुसन्धानपछि घटनासम्बन्धी आवश्यक कानुनी प्रक्रिया अघि बढाइने जनाएको छ। हाल घटनाबारे थप अनुसन्धान जारी रहेको प्रहरीले जनाएको छ।

दाङ। दाङको तुलसीपुर उपमहानगरपालिका–५ न्युरोडस्थित एक घरमा जुवा खेलिरहेको अवस्थामा प्रहरीले छापा मारेको छ। आइतबार भएको उक्त कारबाहीमा प्रहरीले ९ जनालाई नगदसहित नियन्त्रणमा लिएको जिल्ला प्रहरी कार्यालयले जनाएको छ। प्रहरीका अनुसार मिन बहादुर घर्तीको घरमा जुवा खेलिरहेको सूचना पाएलगत्तै प्रहरी टोली परिचालन गरिएको थियो। सो क्रममा जुवाको खालबाट ४६ हजार ६ सय ४५ रुपैयाँ बरामद भएको छ। पक्राउ पर्नेहरू दाङ र सल्यानका विभिन्न स्थानका रहेका छन्। इलाका प्रहरी कार्यालय तुलसीपुरले पक्राउ परेका सबैलाई जिल्ला अदालत दाङबाट पाँच दिनको म्याद थप गरी अनुसन्धान अगाडि बढाएको जानकारी दिएको छ।

काठमाडौँ। देशका विभिन्न स्थानमा शुक्रबार आएको तीव्र हावाहुरीका कारण रुख ढल्दा च्यापिएर पाँच जनाको मृत्यु भएको छ भने तीन जना घाइते भएका छन्। पश्चिम नवलपरासीको सुनवलमा प्रतिक्षालयमा ओत लागिरहेका सुनवल ७ निवासी ३० वर्षीया मिरा बयम्बु र सोही वडाका ४० वर्षीय दुर्गाबहादुर पुनको रुखले च्यापेर मृत्यु भएको इलाका प्रहरी कार्यालय सुनवलले जनाएको छ। सोही घटनामा स्थानीय नरमा परियार, दुर्गा खाम्चा र एकजना परिचय नखुलेका व्यक्ति घाइते भएका छन् र उनीहरुको देवदह मेडिकल कलेजमा उपचार भइरहेको छ। यसैगरी, कैलालीको घोडाघोडीस्थित सुखडमा राष्ट्रिय माविका प्राचार्य कर्णबहादुर भण्डारी र कपिलवस्तु नगरपालिका– ८ मैनिहवाकी १४ वर्षीया सुखना केवटको पनि हावाहुरीले ढालेको रुखमा च्यापिएर मृत्यु…

काठमाडौँ। काठमाडौं महानगरपालिकाले १८ देखि ५८ वर्ष उमेर समूहका इच्छुक नेपाली नागरिकहरूका लागि विभिन्न ३४ वटा निःशुल्क सीप विकास तालिमहरू सञ्चालन गर्ने भएको छ। आगामी जेठ ७ गते काठमाडौंको टुँडिखेलमा सुरु हुने सीप मेलामा यी तालिमहरू प्रदान गरिने छन्। महानगरपालिकाले सरकारी तथा गैरसरकारी संस्था, निजी क्षेत्र र दातृ निकायको सहकार्यमा यस वर्ष २०८२ जनालाई तालिम दिने लक्ष्य राखेको छ। काठमाडौंमा स्थायी वा अस्थायी रूपमा बसोवास गर्ने, ल्यान्डफिल साइट प्रभावित क्षेत्रका बासिन्दा, फरक क्षमता भएका व्यक्ति र यसअघि सडकपेटीमा व्यापार गरिरहेका व्यक्तिहरूलाई प्राथमिकता दिइनेछ। तालिमहरू आईसीटी, स्पेसल एबिलिटी सपोर्ट स्किल, इलेक्ट्रिक्स, गार्मेन्ट्स, कन्स्ट्रक्सन, हस्पिटालिटी, अटोमोबाइल्स, आर्ट एन्ड स्कप्चर, कृषि र सेवा…

धादिङ। धादिङ जिल्लाको सिद्वलेक गाउँपालिका–७, आदमटारस्थित त्रिशूली नदीको किनारमा नुवाकोटकी बेपत्ता बालिका मृत अवस्थामा फेला परेकी छन्। बागमती प्रदेश प्रहरी कार्यालय हेटौँडाका अनुसार, मृत फेला पर्नेमा नुवाकोट जिल्लाको बेलकोटगडि नगरपालिका–७, कल्चौडेकी ११ वर्षीया सदिक्षा राई रहेकी छन्। प्रहरीले जनाएअनुसार, सदिक्षा गत बुधबार साँझ ६ बजे बेलकोटगढि नगरपालिका–७ स्थित त्रिशूली नदीमा पौडी खेल्ने क्रममा बगेर बेपत्ता भएकी थिइन्। उनी बिहीबार दिउँसो २ बजेर ३० मिनेटको समयमा त्रिशूली नदीको किनारमा रहेको ढुङ्गाको चेपमा मृत अवस्थामा फेला परेकी हुन्।

चितवन। चितवनको भरतपुर महानगरपालिका वडा नम्बर २५ शुक्रनगरमा एक व्यक्तिले आफ्नै दुई छोराछोरीको हत्या गरेका छन्। ४२ वर्षीय लिलाराज गिरीले आफ्ना दाजु दया गिरीका ५ वर्षीय छोरा साजन गिरी र आफ्नी ७ वर्षीया छोरी प्रभा गिरीलाई धारिलो हतियार खुर्पा प्रहार गरी हत्या गरेका हुन्। छोराछोरीलाई आक्रमण गरेपछि लिलाराजले पनि आत्महत्याको प्रयास गरेका थिए। घटनापछि तीनै जनालाई उपचारका लागि चितवन मेडिकल कलेज लगिएको थियो। चितवन मेडिकल कलेज स्रोतका अनुसार दुवै बालबालिकाको मृत्यु भइसकेको छ भने लिलाराजको उपचार जारी छ। जिल्ला प्रहरी कार्यालय चितवनले घटनाको विस्तृत छानबिन गरिरहेको जानकारी दिएको छ।