समाचार

काठमाडौं , भदौ १५ गते । प्रधानमन्त्री बालेन्द्र शाहले रसुवाको भोटेकोशी नदीमा आएको विनाशकारी बाढीपछि सरकार खोज, उद्धार, उपचार, राहत तथा प्रभावित नागरिकको सुरक्षित व्यवस्थापनमा निरन्तर सक्रिय रहेको बताएका छन्। प्रधानमन्त्री शाहले सामाजिक सञ्जाल फेसबुक मार्फत बाढी आएको छैटौँ दिनसम्मको पछिल्लो अवस्थाबारे जानकारी दिँदै प्रभावित क्षेत्रमा परिचालित सुरक्षाकर्मी, राष्ट्रसेवक कर्मचारी, सञ्चारकर्मी, विभिन्न निकायका पदाधिकारी, स्वयंसेवक संस्था तथा आम नागरिकको भूमिका प्रशंसनीय रहेको बताएका हुन्। उनले विपद्को समयमा प्रदेश तथा स्थानीय सरकारले संघीय सरकारलाई दिएको साथ र सहयोग महत्वपूर्ण रहेको उल्लेख गर्दै मित्रराष्ट्र, स्वदेशी तथा विदेशी संघसंस्था, सञ्चारमाध्यम र अन्य सरोकारवालाबाट प्राप्त सहयोगप्रति आभार व्यक्त गरेका छन्। राहत व्यवस्थापनतर्फ, काठमाडौंल गायत…

चितवन , भदौ १५ गते । विनाशकारी रसुवा बाढीमा परी ज्यान गुमाएका व्यक्तिहरूको सम्झनामा जिल्ला प्रशासन कार्यालय चितवनले श्रद्धाञ्जली तथा शोकसभा आयोजना गर्ने भएको छ। जिल्ला प्रशासन कार्यालय चितवनका अनुसार भोलि साँझ ६ बजे भरतपुर महानगरपालिका–१, देवीघाटस्थित शव व्यवस्थापन स्थलमा श्रद्धाञ्जली तथा शोकसभा आयोजना गर्न लागिएको हो। बाढीका कारण ज्यान गुमाएका व्यक्तिहरूप्रति श्रद्धाञ्जली अर्पण गर्दै शोकसन्तप्त परिवारजनप्रति समवेदना प्रकट गर्ने उद्देश्यले कार्यक्रम आयोजना गर्न लागिएको प्रशासनले जनाएको छ। जिल्ला प्रशासन कार्यालय चितवनले श्रद्धाञ्जली कार्यक्रममा सहभागी हुन इच्छुक संघ–संस्था, नागरिक तथा सम्बन्धित सबैलाई उपस्थितिका लागि अनुरोध गरेको छ। कार्यक्रममा सहभागी भई विपद्का कारण ज्यान गुमाएका व्यक्तिहरूप्रति सम्मान तथा श्रद्धाञ्जली अर्पण गर्न…

काठमाडौं, भदौ १४ गते । प्रधानमन्त्री बालेन्द्र शाहले रसुवाको भोटेकोशी नदीमा आएको भीषण बाढीपछि सरकारले खोजी, उद्धार, राहत तथा पुनःस्थापनाका कामलाई युद्धस्तरमा अघि बढाइरहेको बताएका छन्। प्रधानमन्त्री शाहले आइतबार साँझ सामाजिक सञ्जालमार्फत सार्वजनिक गरेको विवरणमा प्रतिकूल मौसम, जटिल भूगोल र निरन्तरको जोखिमका बाबजुद प्रभावित नागरिकको जीवनरक्षाका लागि राज्य संयन्त्र परिचालन गरिएको उल्लेख गरेका छन्। उनका अनुसार बाढी प्रभावित क्षेत्रबाट हालसम्म ९ हजार ४३५ जनालाई हवाई तथा स्थलमार्गबाट उद्धार गरी सुरक्षित स्थानमा पुर्‍याइएको छ। राहत तथा उद्धारका लागि सो दिन थप ७२ सहित हालसम्म ३९४ उडान सञ्चालन भइसकेका छन्। प्रभावित क्षेत्रमा नेपाली सेना, नेपाल प्रहरी र सशस्त्र प्रहरी बल नेपालका गरी…

काठमाडौं, भदौ १४ गते । रसुवाको भोटेकोशी नदीमा भदौ १० गते आएको विनाशकारी बाढीबाट रसुवा, नुवाकोट, धादिङलगायतका तटीय क्षेत्रमा ठूलो जनधन तथा भौतिक क्षति भएपछि सरकारले उद्धार, खोजी, उपचार, राहत तथा पुनःस्थापनाका कामलाई तीव्रता दिएको जनाएको छ। प्रधानमन्त्री बालेन्द्र शाहले सामाजिक सञ्जालमार्फत सार्वजनिक गरेको विवरणअनुसार बाढी प्रभावित क्षेत्रबाट आज साँझ साढे पाँच बजेसम्म हवाई तथा स्थलमार्गबाट ७ हजार ५१४ जनाको सफल उद्धार गरिएको छ। विभिन्न जलविद्युत् आयोजना क्षेत्रमा फसेका २७९ जनाको उद्धार भइसकेको र बाँकी प्रभावित क्षेत्रमा समेत खोजी तथा उद्धार कार्य जारी रहेको सरकारले जनाएको छ। उद्धारका लागि नेपाली सेना तथा निजी क्षेत्रका गरी १६ वटा हेलिकप्टर परिचालन गरिएको…

काठमाडौँ, भदौ १३ गते । रसुवा, नुवाकोट र धादिङका नदी किनारका क्षेत्रमा २०८३ भदौ १० गते आएको बाढीबाट प्रभावित नागरिकका लागि राहत सामग्री संकलन गर्न जिल्ला प्रशासन कार्यालय काठमाडौँले अत्यन्त जरुरी सूचना जारी गरेको छ। काठमाडौँ जिल्लाभित्र रहेका विभिन्न संघसंस्था, व्यक्ति, कम्पनी, क्लब तथा नागरिकस्तरबाट कपडा, भाँडाकुँडा तथा अन्य आवश्यक सामग्री राहतस्वरूप संकलन गरी उपलब्ध गराउन इच्छुकलाई प्रशासनले समन्वय गर्न आग्रह गरेको छ। काठमाडौँमा संकलन हुने राहत सामग्रीहरू एकद्वार प्रणालीमार्फत जिल्ला प्रशासन कार्यालयमा संकलन गरिनेछ। त्यसपछि सम्बन्धित जिल्लाका सुरक्षा निकाय, राहत तथा उद्धारमा प्रत्यक्ष रूपमा खटिएका काठमाडौँस्थित सुरक्षा निकायहरू तथा राष्ट्रिय विपद् जोखिम न्यूनीकरण तथा व्यवस्थापन प्राधिकरणसँगको समन्वय र निर्देशनमा…

चितवन, भदौ १३ गते । विनाशकारी रसुवा बाढीमा परी चितवनमा हालसम्म संकलन गरिएका २३३ शवमध्ये पहिचान भएका चार शव सम्बन्धित परिवारलाई बुझाइएको छ भने बाँकी २२९ शव होल्डिङ सेन्टर तथा स्वास्थ्य संस्थामा राखिएका छन्। जिल्ला प्रशासन कार्यालय चितवनले शनिबार जारी गरेको सूचनाअनुसार होल्डिङ सेन्टर, स्वास्थ्य संस्था तथा नदी तटबाट संकलन गरिएका शव तथा अवशेषहरू लामो समयसम्म राखिँदा सडगल्ने अवस्थामा पुगेका छन्। शवहरू दुर्गन्धित बन्दै गएकाले संक्रमण तथा महामारी फैलिन सक्ने जोखिम रहेको स्वास्थ्य क्षेत्रका विज्ञहरूको राय तथा विश्लेषणका आधारमा तत्काल व्यवस्थापन गर्नुपर्ने अवस्था सिर्जना भएको प्रशासनले जनाएको छ। यसै परिस्थितिलाई मध्यनजर गर्दै जिल्ला सुरक्षा समिति चितवनको भदौ १३ गतेको निर्णयअनुसार…