काठमाडौँ, भदौ २८ गते । राष्ट्रपति रामचन्द्र पौडेलले प्रधानमन्त्री सुशीला कार्कीको सिफारिसमा प्रतिनिधि सभा विघटन गर्नुभएको छ। शुक्रबार राति ११ बजेदेखि लागू हुने गरी २०८२ साल भदौ २७ गतेको मन्त्रिपरिषद्को सिफारिसअनुसार प्रतिनिधि सभा विघटन भएको राष्ट्रपति कार्यालयले जनाएको छ।
यससँगै नयाँ प्रतिनिधि सभाको निर्वाचन मिति पनि तोकिएको छ। आगामी २०८२ साल फागुन २१ गते बिहिबार निर्वाचन गर्ने निर्णय गरिएको उपसचिव रुपेश जंग थापा मगरले जारी गरेको विज्ञप्तिमा उल्लेख छ।
राष्ट्रपति कार्यालयका अनुसार विघटनपश्चात अब निर्वाचन आयोगले तय समयसीमाअनुसार आवश्यक तयारी अघि बढाउनेछ।
प्रतिकृया दिनुहोस्
