हेटौंडा, मंसिर ५ गते । गएको मंसिर १ गतेदेखि आज ५ गतेसम्म सञ्चालन भएको पाँच कार्यदिने नागरिक मैत्री प्रहरी सेवा तथा मानव अधिकार विशेष अनुशिक्षण तालिम एक औपचारिक समारोहका बीच सम्पन्न भएको छ। यस अनुशिक्षण तालिमको समापन कार्यक्रम यस कार्यालयका कार्यालय प्रमुख प्रहरी उपरीक्षक सुवास चन्द्र बोहराको प्रमुख आतिथ्यतामा सम्पन्न गरिएको हो।
तालिममा सहभागी प्रहरीले नागरिकमैत्री सेवाको प्रभावकारी कार्यान्वयन, मानव अधिकारको संरक्षण तथा संवर्धन, सेवा प्रवाहमा पारदर्शिता, जिम्मेवारी र उत्तरदायित्वजस्ता विषयमा विशेष प्रशिक्षण प्राप्त गरेका थिए। पाँच दिने यस तालिमले सहभागीहरूको सीप, दक्षता र व्यवहारमैत्री सेवा–प्रवाह क्षमतामा थप गुणात्मक उन्मुखता प्रदान गर्ने विश्वास लिइएको छ।
समापन कार्यक्रममा प्रमुख अतिथि बोहराले प्रशिक्षणबाट आर्जित ज्ञान र सीपलाई व्यवहारमा उतार्दै नागरिकमैत्री सेवा प्रवाहमा उत्कृष्ट उदाहरण प्रस्तुत गर्न सहभागीहरूलाई आग्रह गरेका थिए।
