हेटौडा, भदौ २६ गते । मकवानपुरको हेटौडामा आज साँझ संविधानको रक्षा गर्नुपर्ने र राष्ट्रपतिलाई सार्वजनिक गर्नुपर्ने मागसहित तीन दल निकट युवाहरूले संयुक्त प्रदर्शन गरेका छन्। एमाले, माओवादी र कांग्रेस निकट युवा पक्षधरहरूको सहभागितामा सीमाचोकबाट सुरु भएको र्याली हुप्राचौर पुगेर कोणसभामा परिणत भएको हो।
प्रदर्शनकारीहरूले “संविधान मास्न पाइँदैन”, “सैनिक शासन चाहिँदैन”, “राष्ट्रपतिलाई सार्वजनिक गर” जस्ता नाराबाजी गरेका थिए। आन्दोलन साँझ ५ बजेदेखि सुरु भई मुख्य सडक मार्ग हुँदै अघि बढेको थियो।
कोणसभामा युवाहरूले संविधानको संरक्षण सबैको साझा दायित्व भएको भन्दै राष्ट्रपतिको भूमिकालाई स्पष्ट पार्न माग गरेका छन्।
प्रतिकृया दिनुहोस्
