अन्तराष्ट्रिय समाचार

काठमाडौं। प्यालेस्टिनी लडाकु समूह हमासले १९ महिनाअघि बन्धक बनाएका इजरायली–अमेरिकी नागरिक एडन अलेक्ज्यान्डरलाई रिहा गरेको छ। २१ वर्षीय अलेक्ज्यान्डरलाई सोमबार राति गाजा सिटीको खान युनिस क्षेत्रबाट रिहा गरिएको हो। अमेरिकी नागरिक अलेक्ज्यान्डर अमेरिकाबाट आएर इजरायली सेनामा भर्ना भएका थिए। उनी २०२३ को अक्टोबर ७ मा हमासले इजरायलमा गरेको आक्रमणका क्रममा अपहरणमा परेका थिए। अलेक्ज्यान्डरको रिहाइलाई कूटनीतिक वृत्तमा अर्थपूर्ण रूपमा हेरिएको छ। अमेरिकी राष्ट्रपति डोनाल्ड ट्रम्पको आसन्न मध्यपूर्व भ्रमण र इजरायलका प्रधानमन्त्री बेन्जामिन नेतन्याहूको बढ्दो आलोचनाका बीच हमासले एकपक्षीय रूपमा ‘अमेरिकाप्रति सद्भावना’ देखाएको विश्लेषण गरिएको छ। हमासले यो कदमलाई कुनै सम्झौताको रूपमा नभई विशुद्ध रूपमा सद्भावको प्रदर्शन भनेको छ। यद्यपि, इजरायली…

काठमाडौं। जम्मु कश्मीरस्थित हवाई अड्डामा पाकिस्तानले प्रहार गरेको मिसाइललाई भारतीय डिफेन्स युनिटले बिहीबार विफल बनाइदिएको छ। भारतीय सेनाका अनुसार पाकिस्तानको एफ-१६ जेटले प्रहार गरेको ८ वटा मिसाइललाई भारतको एस-४०० डिफेन्स सिस्टमले सफलतापूर्वक निष्क्रिय पारेको हो। यसैबीच, भारतले पाकिस्तानमाथि कडा जवाफी कारबाही गरेको छ। हालै भारतको पहलगाममा भएको आतंकवादी आक्रमणमा एक नेपाली सहित २६ जना पर्यटकको ज्यान गएको थियो। उक्त घटनापछि आक्रोशित भारतले पाकिस्तानका विभिन्न ९ क्षेत्रमा हवाई आक्रमण गरी आतंकवादको संरचनालाई ध्वस्त पारेको दाबी गरेको छ। भारतीय कारबाहीमा २६ जनाको मृत्यु भएको र ४६ जना घाइते भएको बताइएको छ। सुरक्षा संवेदनशीलतालाई ध्यानमा राख्दै धर्मशालामा जारी इन्डियन प्रिमियर लिग (आईपीएल) को…

काठमाडौँ। भारतले पाकिस्तानविरुद्ध हवाई आक्रमण सुरु गरेलगत्तै अप्रत्याशित घटना भएको छ। भारतीय वायुसेनाका तीनवटा लडाकु विमान रहस्यमय तरिकाले दुर्घटनाग्रस्त भएका छन्। विमानहरूको भग्नावशेष भारतीय भूमिभित्रै भेटिएकाले घटना थप गम्भीर बनेको छ। यद्यपि, भारतीय सरकार र सेनाले यस विषयमा आधिकारिक रूपमा कुनै जानकारी सार्वजनिक गरेका छैनन्। तर, अन्तर्राष्ट्रिय समाचार माध्यमहरूले भारतीय सुरक्षा स्रोतलाई उद्धृत गर्दै दुर्घटनाको पुष्टि गरेका छन्। समाचारहरूका अनुसार, दुईवटा विमानको भग्नावशेष भारत प्रशासित जम्मू कश्मीरमा र अर्को विमान भारतकै पञ्जाब प्रान्तमा पूर्ण रूपमा क्षतिग्रस्त अवस्थामा फेला परेको छ। विमानहरू कहिले र कसरी दुर्घटनाग्रस्त भए भन्ने बारे विस्तृत विवरण आउन बाँकी छ। दुर्घटना भएका क्षेत्रमा सञ्चारकर्मीहरूलाई जान रोक लगाइएको…

काठमाडौँ। भारत र पाकिस्तान दुवै देश आफ्नो सीमा क्षेत्रमा युद्धविराम गर्न सहमत भएको दाबी गरेकाछन्। दुवै देशका सैन्य अधिकारीहरूबीच भएको प्रत्यक्ष वार्तामार्फत यो सहमति जुटेको खबर बाहिरिएको छ। दुवै देशका डाइरेक्टर जेनेरल अफ मिलिटरी अपरेसन (डीजीएमओ) बीचको छलफलपछि युद्धविरामको सहमति भएको भारतीय समाचार संस्था एएनआईले जनाएको छ। प्रेस ट्रस्ट अफ इन्डिया (पीटीआई)ले भारतीय सरकारी स्रोतलाई उद्धृत गर्दै यो सहमति कुनै तेस्रो पक्षको मध्यस्थता बिना नै भारत र पाकिस्तानबीचको आपसी छलफलबाट भएको दाबी गरेको छ। दुवै देश गोलीबारी र सैन्य कारबाही रोक्न सहमत भएका छन्। यसअघि अमेरिकी पूर्व राष्ट्रपति डोनाल्ड ट्रम्पले सामाजिक सञ्जाल ट्रुथ सोसलमा एक पोस्ट गर्दै शुक्रबार राति अमेरिकाले…

गाँजा सहर। दक्षिणी गाजाको खान युनिस शरणार्थी शिविरमा भएको इजरायली हवाई आक्रमणमा कम्तीमा ११ जना प्यालेस्टिनीको मृत्यु भएको छ। मृत्यु हुनेमा एक वर्षभन्दा कम उमेरका तीन शिशु पनि छन्। नागरिक सुरक्षा प्रवक्ता महमुद बास्सालका अनुसार आक्रमणमा ज्यान गुमाउनेहरू एउटै विस्तारित परिवारका सदस्य हुन्। पहिचान भएका आठजनामध्ये एक वर्षका बालक, एक वर्षकी बालिका र एक महिनाको शिशु रहेका छन्। इजरायली सेनाका प्रवक्ताले आक्रमणको पुष्टि गर्दै सो कारबाही ‘विद्रोही हमास सदस्यलाई लक्षित गरी गरिएको’ बताएका छन्। इजरायलले दुई महिनाको युद्धविरामपछि पुनः आक्रमण सुरु गरेको हो। यो युद्ध सन् २०२३ अक्टोबर ७ मा हमासद्वारा गरिएको आक्रमणपछि सुरु भएको थियो। गाजाको स्वास्थ्य मन्त्रालयका अनुसार…

लन्डन,बेलायत। बेलायतमा राष्ट्रिय सुरक्षामा खतरा पुर्‍याएको आशंकामा आठ जना पुरुषलाई पक्राउ गरिएको छ, जसमा सात जना इरानी नागरिक रहेका छन्। लन्डनको मेट्रोपोलिटन प्रहरीले आइतबार दुईवटा छुट्टाछुट्टै अनुसन्धानका क्रममा उनीहरूलाई पक्राउ गरिएको कुरा पुष्टि गरेको छ। पहिलो घटनामा, शनिबार आतंकवाद विरोधी प्रहरीले लन्डन, स्विन्डन र ग्रेटर म्यानचेस्टर क्षेत्रबाट पाँच जनालाई पक्राउ गरेको छ। पक्राउ पर्नेमा चार जना इरानी नागरिक र एक जना राष्ट्रियता खुल्न बाँकी रहेको व्यक्ति रहेका छन्, उनीहरूलाई “आतंकवादी कार्यको तयारी” गरेको आशंकामा पक्राउ गरिएको प्रहरीले जनाएको छ। त्यसैगरी, दोस्रो घटनामा आतंकवाद विरोधी प्रहरीले लन्डनबाटै ३९,४४ र ५५ वर्षीय तीन इरानी नागरिकलाई राष्ट्रिय सुरक्षा ऐनसम्बन्धी अभियोगमा पक्राउ गरिएको कुरा…

नयाँ दिल्ली। पहलगाममा भएको आतंककारी हमलापछि भारतले पाकिस्तानसँगको सिन्धु जल सन्धि स्थगित गर्ने निर्णय गरेको छ। बिहिबार राति भारतले पाकिस्तानलाई पत्र पठाएर उक्त विषयमा जानकारी दिएको कुरा भारतीय अनलाइन पत्रिका दैनिक भास्करले लेखेको छ। भारतको जलशक्ति मन्त्रालयका सचिव देवाश्री मुखर्जीले पाकिस्तानी जलस्रोत मन्त्रालयका‌ सचिव मूर्तजालाई असल मनसायले गरिएको सन्धि असल सम्बन्ध नभएकै कारण निरन्तरता दिन नसकिने कुरा पठाएको पत्रमा‌ लेखेका छन्। भारतको वैशरण उपत्यकामा अप्रिल २२ का दिन भएको आतंककारि हमलामा २६ पर्यटकहरूको हत्या भएको थियो। जसमा परि बुटवलका सुदीप न्यौपानेको पनि मृत्यु भएको छ। भने १० भन्दा बढी व्यक्तिहरू घाइते भएको कुरा भारतीय सञ्चारमाध्यमहरूले जनाएका छन्। २६ जनाको मृत्यु…