समाचार

आज राति ८ बजेर ७ मिनेट जाँदा जाजरकोट जिल्लालाई केन्द्रविन्दु बनाई ५.२ म्याग्निच्युडको भूकम्प गाएको छ। शुक्रबार बेलुकी एकैपटक भूकम्पको धक्का महसुस गरिएको राष्ट्रिय भूकम्प मापन केन्द्रले जनाएको छ। थप विवरण आउन बाँकी छ।

मकवानपुर । आत्मनिर्भर हुनका लागि कृषि उत्पादनमा जोड दिँदै नेपाल कम्युनिस्ट पार्टी मकवानपुरले धान रोपाइँ गरेको छ । पार्टीको निर्णय अनुसार नेताकार्यकर्ता र आम जनतालाई निकट भविष्यमा आत्मनिर्भर बनाउने उद्देश्यले सुरु गरेको सामुहिक उत्पादन प्रणालीलाई अंगाल्दै नेकपा मकवानपुरले पनि सामुहिक उत्पादनलाई निरन्तरता दिइरहेको छ । मनहरी-५ दरदरा स्थित केन्द्रिय उत्पादन विभाग मनहरीमा नेकपा मकवानपुरले आज धान रोपेको छ । लगभग तीन बिगाहामा फैलिएको उत्पादन क्षेत्रमा पार्टीले समय अनुकुल नगदे बाली र अन्नबाली लगाउँदै आइरहेको छ । उक्त उत्पादन शाखामा पार्टीले हालसम्म काँक्रा, भ्यान्टा, आलु, खुर्सानी, प्याज, लसुन लगायतका तरकारी बाली र मकै, धान, गहुँ जस्ता अन्नबाली उत्पादन गरिसकेको छ ।…

काठमाडौँ। नेपाली सुनचाँदी बजारमा फेरि पनि मूल्यवृद्धि भएको छ। अघिल्लो दिन मङ्गलबार तोलामा ४ सय रुपैयाँले घटेको सुन आज एकै दिन २ हजार रुपैयाँले बढेको छ। जस अनुसार आज सुन प्रतितोलामा १ लाख ७५ हजार ४ सय रुपैयाँले कारोबार भइरहेको नेपाल सुनचाँदी व्यवसायी महासंघले जनाएको छ। यसअघि आइतबारको दिन प्रतितोलामा १ हजार ९ सयले घटेको सुन सोमबार भने ७ सयले घटेको थियो। त्यसपछि अघिल्लो दिन शुक्रबार भने सुन तोलामा ३ हजार ९ सय रुपैयाले घटेको थियो। ऐतिहासिक रेकर्ड बनाएको सुनको मूल्यमा आइतबारदेखि भने निरन्तर गिरावट आएपनि आज भने उकालो लाग्न थालिएको हो। त्यस्तै चाँदीको भाउ तोलामा आज भने पाँच रूपैयाँले घटेको…

बैतडी। बैतडी जिल्लामा जीप दुर्घटना हुँदा एकजनाको मृत्यु भएको छ। जीप देहीमाण्डौबाट  गिरेगडा तर्फ गहिरेको बेला बिएसी ५६५९ नम्बरको बोलेरोले शुक्रबार राति दशरथ चन्द नगरपालिका ११ को नानीगाड भन्ने स्थानमा दुर्घटना हुन पुगेको थियो। दुर्घटनाम परी मृत्यु हुनेमा पञ्चेश्वर गाउँपालिका ५ का वर्ष ५४ को चञ्चले दयालको मृत्यु भएको प्रहरीले जानकारी दिए। जीप दुर्घटनामा परेर घाइते भएका चन्चलेको जिल्ला अस्पतालमा उपचार क्रममा गए राती नै मृत्यु भएको हो। गए राति आफ्नो गतिमा गुडिरहेको जीपमा चालक सहित चारजना यात्रुहरू रहेका बेला अचानक जीप सडकबाट अनियन्त्रित भएर दुर्घटना भएको बताइएको छ। जीप सडकबाट अनियन्त्रित भएर करिब ४० मिटर तल खोल्सामा खसेको जनाएको छ।…

काठमाडौँ । नेपाल शिक्षक महासङ्घको काठमाडौँ केन्द्रीत माइतीघर मण्डलामा अनिश्चितकालिन सडक आन्दोलन सुरु भएको छ । शिक्षकहरूको माग सम्बोधन गरेर विद्यालय शिक्षा ऐन ल्याउनु पर्ने मागसहित दोस्रो चरणको आन्दोलन अन्तर्गत आजदेखि सडक आन्दोलन सुरु गरेको हो । महासङ्घ र सरकारबिच विगतमा भएको सहमति सम्बोधन गरेर गुणस्तरीय विद्यालय शिक्षा, विद्यार्थी र शिक्षक-कर्मचारी मैत्री विद्यालय शिक्षा ऐन जारी गराउन दबाबका लागि आन्दोलन गर्नु परेको महासङ्घले जनाएको छ । ‘कि जितिन्छ, कि बितिन्छ’ भन्ने मूल नारासहित शिक्षकहरू सडकमा उत्रिएका छन् । देशैभरी बाट ठूलो सङ्ख्यामा शिक्षक कर्मचारीहरू आन्दोलनमा सहभागी भएका छन् । स्थायी, राहत, साविक उमावि, सिकाइ अनुदान, बालविकास कक्षा, अस्थायी करार, प्राविधिक…

काठमाडौं। यही चैत १५ गते तीनकुनेमा राजावादी समूहले गरेको प्रदर्शनमा अराजक गतिविधि गर्ने थप सात जनालाई प्रहरीले पक्राउ गरेको छ। तीनकुने क्षेत्रमा आगजनी, तोडफोड गरी राज्यविरुद्धको कसुर र आपराधिक उपद्रव लगायतका अपराधमा संलग्न रहेको आरोपमा उनीहरूलाई पक्राउ गरिएको हो। पक्राउ पर्नेहरूमा रुपन्देहीको देवदह नगरपालिका–९ घर भएका ४७ वर्षीय प्रेम थापामगर, झापाका २१ वर्षीय समीर मगर,रामेछापका २२ वर्षीय सुरेश गौतम,ताप्लेजुङका २३ वर्षीय सुशिल बराल,नुवाकोटका २७ वर्षीय रमेश राई, अछामका २० वर्षीय गोकर्ण शाही र संखुवासभाका ३९ वर्षीय मुकुन्द दाहाल छन्।

काठमाडौ। बुधबार काटेश्वर भाटभटेनीमा आयोजित एक कार्यक्रमबीच भाटभटेनीका सञ्चालक गुरुङले सुरक्षागार्ड (कृष्ण) पराजुलीलाई पाँच लाख एक हजार १ सय ११ रुपैयाँ नगद पुरस्कारसहित सम्मान गरे । त्यस्तै पराजुलीलाई पाँच ग्रेड बढुवा गरिएको छ । लुटपाटका क्रममा भाटभटेनीका सुरक्षा गार्ड पराजुलीले लुटेराहरूको प्रतिकार गर्दै लखेटेका थिए । सम्मान ग्रहण गदै सुरक्षागार्ड पराजुलीले काटेश्वर भाटभटेनीमा आएर लुटपाट गरेपछि सबै सुरक्षा टोलीले मिलेर प्रतिकार गरेको बताएका छन् ।

मोरङ। र्लाबारी, १८औं विश्व अटिजम सचेतना दिवस २०८१ को अवसरमा उर्लाबारी-५ मा रहेको आकार फाउन्डेसनले अभिभावक सम्मान कार्यक्रम आयोजना गरेको छ। बुधबार सम्पन्न कार्यक्रममा विभिन्न कार्यक्रमहरू प्रस्तुत गरिनुका साथै अटिजम भएका बालबालिकाका अभिभावकहरूलाई सम्मान गरिएको थियो। कार्यक्रममा पन्चावती अस्पताल उर्लाबारीका निर्देशक बालचन्द्र सुब्बा प्रमुख अतिथिको रूपमा सहभागी हुनुहुन्थ्यो भने विशेष अतिथिका रूपमा डा. राकेश मेहता, संस्थाका सल्लाहकार हेमचन्द्र भट्टराई तथा अभिभावकहरूको उल्लेखनीय उपस्थिति रहेको थियो। कार्यक्रमको अध्यक्षता आकार फाउन्डेसनकी निर्देशक प्रिशिमा थापाले गएका थिए। कार्यक्रमको दौरान संस्थाका शिक्षिकाहरूले “आकार” गीतमा आकर्षक नृत्य प्रस्तुत गरे। अभिभावक तर्फबाट गणेश सुवेदीले मन्तव्य राख्दै अटिजम भएका बालबालिकाको हकहितका लागि आकार फाउन्डेसनले पुर्याएको योगदानको उच्च…

काठमाडौँ। नेपाल आयल निगमले पुन:फेरि पेट्रोलियम पदार्थको मूल्य घटाएको छ। निगम सञ्चालक समितिको आज बसेको बैठकले सोमबार मध्यराति १२ बजेदेखि पूर्णरूपमा लागू हुने गरी डिजेल मट्टी तेल र हवाई इन्धनको मूल्यमा केही समायोजन गरी मूल्य घटाएको जानकारी दिएको छ। निगमले घटाएको मूल्य समायोजन गरेअनुसार डिजल र मट्टीतेलमा प्रति लिटर २ रुपैयाँ तथा हवाई इन्धन आन्तरिक तर्फ प्रति लिटर ७ रुपैयाँका दरले घटाएको जानकारी दिएको छ। जस अनुसार नयाँ मूल्यमा अब तेस्रो वर्ग अन्तर्गत काठमाडौँमा डिजेल र मट्टीतेल प्रति लिटर १४९ र हवाई इन्धन आन्तरिक तर्फ १२५ रूपैयाँको दरले मूल्य समायोजन गरिएको छ।