Day: २०८२ फाल्गुन २९, शुक्रबार २३:५०

हेटौंडा, फागुन २९ गते । शिवम सिमेन्ट उद्योगबाट हुने धुलो–धुवाँ नियन्त्रणको माग गर्दै स्थानीय बासिन्दाले पुनः आन्दोलनको चेतावनी दिएका छन्। सेवा सहयोग र आवाजका अध्यक्ष तथा सामाजिक अभियान्ता विशालराज महतले सामाजिक सञ्जाल फेसबुक मार्फत उद्योग र जन-प्रतिनिधिप्रति असन्तुष्टि जनाउँदै अब आन्दोलनको तयारीमा रहेको बताएका हुन्। महतका अनुसार पटक–पटक खबरदारी गरिएपछि शिवम सिमेन्टका प्रतिनिधिसँग दुई पटकसम्म स्पष्ट छलफल भएको थियो। सो छलफलमा उद्योगका प्रतिनिधि, स्थानीय पीडित बासिन्दा, जनप्रतिनिधि तथा पत्रकारहरूको उपस्थितिमा धुलो–धुवाँ नियन्त्रणका विषयमा समाधान खोज्ने सहमति भएको थियो। तर उद्योगका तर्फबाट निरन्तर आलटाल मात्र भएको आरोप महतले लगाएका छन्। उद्योगले प्रभावकारी कदम नचालेपछि स्थानीय बासिन्दाको उपस्थितिमा आन्दोलनको घोषणा गरिएको उनले…