Day: २०८३ असार १८, बिहीबार २२:४६

हेटौंडा, असार १८ गते । मकवानपुरको हेटौंडा उपमहानगरपालिका–१० रानीमहलस्थित जय गणेश वर्कशपमा कार्यरत एक सुरक्षा गार्डमाथि धारिलो हतियार प्रहार गरी गम्भीर घाइते बनाएको आरोपमा एक जना पक्राउ परेका छन्। जिल्ला प्रहरी कार्यालय मकवानपुरका अनुसार मिति २०८३ असार १६ गते राति करिब ११ः५५ बजे जय गणेश वर्कशपमा सुरक्षा गार्डको रूपमा कार्यरत नुवाकोटको सूर्यगढी गाउँपालिका–१ निवासी ३२ वर्षीय रोहित तामाङमाथि हेटौंडा उपमहानगरपालिका–५ निवासी ३३ वर्षीय सविन नेपालीले कुटपिट गर्नुका साथै धारिलो हतियार ‘टाप’ प्रहार गरेका थिए। घटनामा तामाङ शरीरका विभिन्न भागमा गम्भीर घाइते भएका छन्। घटनापछि फरार रहेका प्रतिवादी सविन नेपालीलाई वडा प्रहरी कार्यालय हेटौंडाबाट खटिएको प्रहरी टोलीले खोजतलास गर्ने क्रममा असार…

हेटौंडा, असार १८ गते । एमसिए साझेदारी कार्यक्रम अन्तर्गत विद्युत उपयोग अभिवृद्धि गर्ने उद्देश्यले हेटौंडा उपमहानगरपालिकामा सीपमूलक क्षमता विकास तालिम सुरु गरिएको छ। कार्यक्रमको उद्घाटन हेटौंडा उपमहानगरपालिकाकी नगर प्रमुख मिना कुमारी लामाले गरेकी हुन्। प्रशारण लाइनबाट प्रभावित वडा नम्बर १, ३, १०, ११ र १९ का स्थानीय सहभागीहरूलाई लक्षित गर्दै जनरल कुक, मोबाइल मर्मत, बारिष्टा तथा ब्युटी पार्लर सम्बन्धी ६५ दिने तालिम सञ्चालन गरिएको जनाइएको छ। तालिम उद्घाटन कार्यक्रममा वडा नम्बर ४ का अध्यक्ष नविन सिग्देल, वडा नम्बर १० का अध्यक्ष फुर्वा दोर्जे लामा तथा वडा नम्बर ११ की अध्यक्ष जुना दाहाल लगायत जनप्रतिनिधिहरूको उपस्थिति रहेको थियो। कार्यक्रमका क्रममा वक्ताहरूले…

हेटौंडा, असार १८ गते । नेपाल पत्रकार महासंघ जिल्ला शाखा मकवानपुरको आयोजनामा तथा हेटौंडा उपमहानगरपालिकाको सहयोगमा सम्पन्न फिचर लेखन प्रतियोगितामा राष्ट्रिय समाचार समिति (रासस) मकवानपुरकी संवाददाता अञ्जली थापा सर्वोत्कृष्ट घोषित भएकी छन्। बिहीबार हेटौंडामा आयोजित एक समारोहबीच प्रतियोगिताको नतिजा सार्वजनिक गर्दै थापालाई ४५ हजार रुपैयाँ नगद पुरस्कार तथा प्रमाणपत्र प्रदान गरिएको हो। प्रेस सेन्टर नेपालकी केन्द्रीय सचिव समेत रहेकी थापाले कृषि विषयलाई केन्द्रमा राख्दै ‘गुन्द्रुकको गृह उद्योग’ सम्बन्धी फिचर प्रस्तुत गरेकी थिइन्। प्रतियोगिताका लागि हेटौंडा उपमहानगरपालिका क्षेत्रभित्रको विकासलाई प्राथमिकतामा राखेर फिचर लेखन गर्नुपर्ने मापदण्ड तय गरिएको थियो। प्रतियोगितामा कृष्ण विष्ट (सुनिता), नवीन राउत, रुपक कालिराज, प्रतिक्षा न्यौपाने, आरती ढकाल, सन्तोष…