काठमाडौं, भदौ २२ गते । राष्ट्रिय स्वतन्त्र पार्टी (रास्वपा) ले पछिल्लो पुस्ता अर्थात् Gen Z ले सामाजिक न्याय, स्वतन्त्रता र मौलिक हकका लागि गरिरहेको शान्तिपूर्ण प्रदर्शनलाई समर्थन जनाएको छ।
रास्वपाले आइतबार एक विज्ञप्ति जारी गर्दै सरकारको श्रुतिलङ्घन र राज्यव्यवस्थाको दुरुपयोगविरुद्ध युवा पुस्ताले सडकमा निरन्तर आवाज उठाइरहेको भन्दै त्यसलाई लोकतान्त्रिक संस्कृतिको महत्वपूर्ण अभ्यासका रूपमा लिएको छ।
विज्ञप्तिमा सरकारले युवापुस्ताको शान्तिपूर्ण प्रदर्शनलाई प्रतिकूल रूपमा बुझेर दमनको नीति लिएको खण्डमा रास्वपा त्यसको कडा विरोध गर्ने चेतावनी दिइएको छ। साथै, प्रदर्शनमा सहभागी युवाहरुलाई कुनै पनि दलको झण्डा, नारा वा परिचय प्रयोग नगरी ऐक्यबद्धता प्रकट गर्न आग्रह गरिएको छ।
रास्वपाका महामन्त्री कविन्द्र बुर्लाकोटीले हस्ताक्षर गरेको उक्त विज्ञप्तिमा लोकतान्त्रिक अभ्यासलाई रोक्ने सरकारी प्रयासलाई अस्वीकार्य ठहर गरिएको छ।
