काठमाडौँ। डिजिटल वालेट मार्फत फिसिङ लिङ्क पठाई ४ हजार प्रयोगकर्ताको १ करोडभन्दा बढी पैसा कुम्ल्याएको आरोपमा कञ्चनपुरका २२ वर्षीय युवा राहुल बुढा पक्राउ परेका छन्। काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले उनलाई कालिमाटीबाट पक्राउ गरेको हो।
सर्वसाधारण वालेट प्रयोगकर्ताको एकाउन्टमा समस्या देखाई व्यक्तिगत विवरण राख्न लगाई पैसा चोरी गरेको उनलाई अभियोग छ।
उनीमाथि ठगी सम्बन्धी अभियोगमा थप जाँचबुझ र अनुसन्धानका लागि काठमाडौँ जिल्ला प्रहरी परिसर भद्रकाली पठाइएको कुरा प्रहरीले जनाएको छ।
पछिल्लो समयमा एटि अलर्ट द अलर्टका नाममा वालेट प्रयोगकर्ताहरूलाई फिसिङ क्लिङ्क पठाउने क्रम बढेको भन्दै डिजिटल वालेट कम्पनीहरूले पनि प्रयोगकर्ताहरूलाई सचेत गराउँदै आएका छन्, साइबर ब्युरोले पनि अनावश्यक रुपमा आउने लिङ्कहरूमा क्लिक गर्न नहुने कुरा अवगत गराउँदै आएको छ।
