चितवन, अशोज ९ गते । नारायणगढ–मुग्लिन सडक खण्ड अन्तर्गत तुइन खोलामा खसेको सुखा पहिरो पन्छाएसँगै ५८ घण्टापछि आवागमन सुचारु भएको छ। सडक खुल्नासाथ लामो समयदेखि जाममा परेका सवारी साधनले सहज रूपमा यात्रा जारी गरेका छन्।
सडक अवरुद्ध हुँदा दशैंका लागि घर हिँडेका सयौँ यात्रु तथा चालकहरू अलपत्र परेका थिए। सडक कतिखेर खुल्छ भन्ने प्रतीक्षामा रहेका यात्रु र चालकहरू सडक खुल्नेबित्तिकै खुसी व्यक्त गर्दै आफ्नो गन्तव्यतर्फ अघि बढेका छन्।
सडक विभागका अनुसार लामो समयदेखि पर्खाइमा रहेका यात्रु तथा चालकलाई सहज आवागमनका लागि निरन्तर पहिरो पन्छाउने कार्य चलाइएको थियो। अहिले भने दुईतर्फी यातायात सहज बनेको जनाइएको छ।
प्रतिकृया दिनुहोस्
