समाचार

काठमाडौं,बैशाख १४ गते । संघीय मामिला तथा सामान्य प्रशासन मन्त्रालयले संघीय शासन प्रणालीलाई थप सुदृढ र संस्थागत बनाउने उद्देश्यसहित तयार पारिरहेको संघीय निजामती सेवा विधेयकको प्रारम्भिक मस्यौदामा व्यापक चासो देखिएको छ। मन्त्रालयले उक्त मस्यौदा २०८३ साल वैशाख ११ गते आफ्नो आधिकारिक वेबसाइट मार्फत सार्वजनिक गरेको थियो। मस्यौदा सार्वजनिक भएयता हालसम्म ३,५०० भन्दा बढी राय, सुझाव तथा पृष्ठपोषण प्राप्त भएको मन्त्रालयले जनाएको छ। सरोकारवाला निकाय, राष्ट्रसेवक कर्मचारी तथा आम नागरिकबाट प्राप्त सुझावसँगै विभिन्न सामाजिक सञ्जालमा व्यक्त प्रतिक्रिया समेत संकलन गरी विश्लेषण गर्ने काम भइरहेको छ। विधेयकलाई अझ प्रभावकारी र व्यवहारिक बनाउन प्राप्त सुझावहरूको व्यवस्थित अध्ययन तथा विश्लेषण गर्न प्रशासन सुधार महाशाखा…

​भक्तपुर,बैशाख ११ गते । ​दृष्टिविहीन पाठकका लागि चुनौतीको रूपमा रहेको मुद्रित पुस्तक एक्काइस जना दृष्टिविहीनहरू पहुँचयुक्त ढङ्गले पढ्न सक्ने भएका छन्। ​सामाजिक विकास मन्त्रालय, बागमती प्रदेशको आर्थिक सहयोग तथा अपाङ्गता भएका महिलाहरूको नेतृत्वमा सञ्चालित संस्था एक्सेस प्लानेटको आयोजनामा चार दिनसम्म सञ्चालित कार्यक्रममा सहभागी दृष्टिविहीनहरूले मुद्रित पुस्तक मोबाइल फोनमार्फत स्क्यान गरेर पढ्न सक्ने हुनुका साथसाथै संस्थाले सञ्चालनमा ल्याएको समावेशी पुस्तकालय नामक वेबसाइट मार्फत सहज रुपमा पुस्तक पढ्न सिकेका छन्। चार दिनसम्म चलेको कार्यक्रमको सहजकर्ताको रूपमा सञ्जय अर्याल रहेका थिए। ​कार्यक्रमको अन्तिम दिन समापन समारोहमा बोल्दै आयोजक संस्थाकी सचिव शान्ता पाण्डेले स्वागत मन्तव्य राख्दै संस्थाले अपाङ्गता भएका महिला तथा बालबालिकाहरूको शिक्षा, सूचनामा…

काठमाडौं,बैशाख ११ गते । सार्वजनिक खरिद प्रणाली (पीपीएमओ) ह्याक गरी ठेक्का विवरण हेरफेर गरिएको प्रकरणमा पूर्वमन्त्री विक्रम पाण्डे पक्राउ परेका छन्। प्रहरीको केन्द्रीय अनुसन्धान ब्युरो (सीआईबी)ले सो प्रकरणमा अनुसन्धानका क्रममा पाण्डेलाई नियन्त्रणमा लिएको हो। ब्युरोका एआईजी मनोज केसीले पाण्डेलाई पक्राउ गरिएको पुष्टि गरेका छन्। यसअघि पनि उक्त प्रकरणमा संलग्न रहेको आशंकामा प्रहरीले ६ जनालाई पक्राउ गरिसकेको थियो। अनुसन्धानलाई थप गहिरो बनाउँदै सीआईबीले घटनामा संलग्न अन्य व्यक्तिहरूको खोजी तथा प्रमाण संकलनलाई तीव्र पारेको जनाएको छ। सरकारी ठेक्का सम्बन्धी संवेदनशील प्रणाली नै ह्याक गरी विवरण परिवर्तन गरिएको घटनाले सार्वजनिक खरिद प्रक्रियाको पारदर्शिता र सुरक्षामाथि गम्भीर प्रश्न उठाएको छ। यस प्रकरणमा संलग्न सबैलाई…

काठमाडौं,बैशाख १० गते । नेपाल प्रहरी प्रधान कार्यालय केन्द्रीय अनुसन्धान ब्युरो (सीआईबी) ले धितोपत्र सम्बन्धी ऐन, २०६३ अन्तर्गतको कसुरमा हिमालयन रिइन्स्योरेन्स लिमिटेडका तत्कालीन अध्यक्ष शेखर गोल्छालाई पक्राउ गरेको छ। सीआईबीद्वारा जारी प्रेस विज्ञप्ति अनुसार नेपाल धितोपत्र बोर्डको प्रारम्भिक जाँचबुझ प्रतिवेदनका आधारमा गोल्छामाथि अनुसन्धान अघि बढाइएको हो। काठमाडौँ जिल्ला नागार्जुन नगरपालिका–८ का बासिन्दा हुलासचन्द्र गोल्छाका छोरा, वर्ष ५९ का शेखर गोल्छा उक्त प्रकरणमा संलग्न रहेको आरोपमा पक्राउ परेका हुन्। विज्ञप्तिअनुसार धितोपत्र सम्बन्धी ऐनको दफा ९४, ९५ र ९६ को उपदफा (१) तथा दफा १८ बमोजिमको कसुरमा संलग्न रहेको आशंकामा उनलाई अनुसन्धानको दायरामा ल्याइएको हो। सोही ऐनको दफा १०३ को उपदफा (३)…

हेटौँडा, वैशाख १० गते । पर्शा राष्ट्रिय निकुञ्ज को मध्यवर्ती क्षेत्रमा पर्ने हेटौंडा उपमहानगरपालिका, जितपुर सिमरा उपमहानगरपालिका, मनहरी गाउँपालिका र ठोरी गाउँपालिका लाई समेटेर पर्यटन प्रवर्द्धन गर्ने उद्देश्यले स्थानीय तहहरूबीच समन्वयात्मक बैठक सम्पन्न भएको छ। बैठकमा हेटौंडा उपमहानगरपालिकाका नगर प्रमुख मीनाकुमारी लामा, जितपुर सिमराका प्रमुख राजन पौडेल, मनहरी गाउँपालिकाका अध्यक्ष रञ्जन कालाखेती तथा ठोरी गाउँपालिकाका अध्यक्ष लालबहादुर श्रेष्ठ लगायतको सहभागिता रहेको थियो। बैठकमा पर्शा राष्ट्रिय निकुञ्जलाई आकर्षक पर्यटन गन्तव्यका रूपमा विकास गर्ने, आन्तरिक तथा बाह्य पर्यटकको संख्या बढाउने, पूर्वाधार विस्तार गर्ने तथा स्थानीय समुदायलाई पर्यटनसँग जोड्ने विषयमा विस्तृत छलफल गरिएको थियो। यस क्रममा सहभागी स्थानीय तहबीच आपसी समन्वय गर्दै पर्यटन विकासका सम्भावित योजना, संरक्षण र व्यवस्थापनका उपाय तथा दीर्घकालीन रणनीति निर्माणका…

काठमाडौँ,बैशाख १० गते । हर्क साम्पाङको फेसबुक आइडी पुनः सञ्चालनमा आएको छ। श्रम संस्कृति पार्टीका अध्यक्ष तथा सांसद साम्पाङले प्रयोग गर्दै आएको ‘Harka Sampang A Revolution’ नामक फेसबुक आइडी केही दिनअघि अचानक निष्क्रिय बनेको थियो। उनले अप्रिल १६ मा अन्तिम पटक उक्त आइडीबाट पोस्ट गरेका थिए। त्यसपछि आइडी नचल्ने भएपछि उनले आफैंले नयाँ फेसबुक आइडी खोलेर जानकारी गराएका थिए। बिहीबार भने उनको पुरानै फेसबुक आइडी पुनः फिर्ता आएको हो। आइडी फिर्ता आएलगत्तै साम्पाङले पहिलो पोस्टका रूपमा हाँसेको इमोजी सार्वजनिक गरेका छन्। त्यसपछि उनले ‘विरोधीहरूलाई हार्दिक धन्यवाद’ लेख्दै अर्को सन्देश पोस्ट गरेका छन्। यसअघि उनले ‘विरोधी’हरूले रिपोर्ट गरेकै कारण आफ्नो फेसबुक…

काठमाडौँ,बैशाख ९ गते । सामाजिक सञ्जालमा राइड सेयरिङ सेवामा आबद्ध केही चालकहरूले सेवाग्राहीसँग भएका व्यक्तिगत कुराकानी सार्वजनिक गर्दै अपशब्द प्रयोग गरी भिडियो भ्लग बनाउने तथा पोष्ट गर्ने प्रवृत्ति बढ्दै गएकोप्रति जिल्ला प्रहरी परिसर काठमाडौँले गम्भीर ध्यानाकर्षण जनाएको छ। प्रहरीले यस्ता गतिविधिले व्यक्तिको गोपनीयता हनन गर्नुका साथै सामाजिक मर्यादा र कानुनी व्यवस्थामाथि प्रत्यक्ष असर पार्ने जनाएको छ। सेवाग्राहीसँगको निजी संवादलाई अनुमति बिना सार्वजनिक गर्नु तथा अपमानजनक भाषा प्रयोग गर्नु कानूनविपरीत हुने भन्दै तत्काल त्यस्ता भिडियोहरू हटाउन र भविष्यमा यस्ता कार्य नगर्न आग्रह गरिएको छ। जिल्ला प्रहरी परिसर काठमाडौँले सबै राइड सेयरिङ चालक तथा सम्बन्धित पक्षलाई जिम्मेवार र मर्यादित व्यवहार अपनाउन अनुरोध…