हेटौंडा,जेठ १५ गते। गणतन्त्र दिवसको अवसरमा बागमती प्रदेश सरकारले प्रदान गर्ने पत्रकारिता पुरस्कार २०८३ अन्तर्गत मकवानपुरका दुई पत्रकार सम्मानित भएका छन्।
खोज पत्रकारिता पुरस्कार २०८३ (रु ५० हजार राशिसहित) बाट पत्रकारद्वय पोष्टराज अधिकारी कुमार सम्मानित भएका छन् भने विकास पत्रकारिता पुरस्कार २०८३ (रु ५० हजार राशिसहित) बाट पत्रकार सुनिता बिष्ट सम्मानित भएकी छन्।
यसैगरी, चलचित्र पत्रकार सङ्घ नेपाल मकवानपुर शाखाले प्रदान गर्ने चलचित्र पत्रकारिता पुरस्कार २०८३ बाट पत्रकार सुवास बिडारी सम्मानित भएका छन्। उनलाई आयोजित कार्यक्रममा नगद रु ५ हजारसहित सम्मान गरिएको हो।
चलचित्र पत्रकार सङ्घ नेपाल मकवानपुर शाखाको आयोजनामा हेटौँडा–२ स्थित पल्पसा प्याराडाइजमा सम्पन्न कार्यक्रममा विभिन्न सञ्चारमाध्यममा आबद्ध पत्रकारहरूको बाक्लो उपस्थिति रहेको थियो।
प्रतिकृया दिनुहोस्
