हेटौडा, कात्तिक २६ गते । जेन जि आन्दोलनका नाममा तोडफोड र आगजनी गरेको आरोपमा मकवानपुर प्रहरीले पाँच जनालाई पक्राउ गरेको छ। जिल्ला प्रहरी कार्यालय मकवानपुरका अनुसार पक्राउ परेकामध्ये तीन जनालाई अपराधिक उपद्र र लुटपाट मुद्दामा अदालतबाट म्याद थप गरिएको छ।
प्रहरीले बाँकी दुई जनालाई पनि नियन्त्रणमा लिएर अनुसन्धान अघि बढाएको जनाएको छ। प्रहरीले हेटौडा क्षेत्रमा पछिल्ला दिनमा भएका तोडफोड र आगजनीका घटनामा यी व्यक्तिहरूको संलग्नता रहेको प्रारम्भिक अनुसन्धानले देखाएको बताएको छ।
जिल्ला प्रहरी कार्यालयका अधिकारीका अनुसार शान्ति सुरक्षा कायम गर्न थप सुरक्षाकर्मी परिचालन गरिएको छ र आन्दोलनका नाममा हिंसात्मक गतिविधि सह्य नहुने चेतावनी पनि दिइएको छ।
प्रतिकृया दिनुहोस्
