राप्ती खबर

काठमाडौं, भदौ २५ गते । धरान उपमहानगरपालिकाका मेयर हर्क साम्पाङले भिडियो सन्देशमार्फत हालका विवाद र मतभेदबारे आफ्नो धारणा सार्वजनिक गरेका छन्। उनले हजारौँ युवाहरूको विशेष अनुरोध र आग्रहलाई सम्बोधन गर्दै व्यक्तिगत स्वार्थ नभई राष्ट्रिय स्वार्थका लागि काठमाडौँ आएको स्पष्ट पारेका छन् । साम्पाङले भने, “यो मेरो रहर वा स्वार्थको कुरा होइन। यो देशलाई बचाउनुपर्ने परिस्थिति आएको छ। विदेशीहरूको हालीमुहाली हुनु हुँदैन। युवाहरूको साथ र समर्थनले म लुकेर बस्न सक्दिन, त्यसैले म नेतृत्व गर्न तयार भएर आएको हुँ।” उनले हालै सेनाप्रमुखसँग पनि कुराकानी गरेको जानकारी दिँदै विभिन्न समर्थन र सिफारिसको हल्ला अनावश्यक रहेको बताए। बालेन शाह वा सुशीला कार्कीलाई समर्थन गर्ने…

काठमाडौं, भदौ २५ गते । काठमाडौँ महानगरपालिकाका मेयर बालेन्द्र शाह (बालेन)ले देशलाई सुनौलो भविष्यतर्फ डोर्याउन जेन जी पुस्ताले उठाएको आन्दोलन र प्रस्तावलाई पूर्ण समर्थन व्यक्त गरेका छन्। उनले सामाजिक सञ्जालमार्फत विज्ञप्ति जारी गर्दै अहिले देश इतिहासकै संवेदनशील मोडमा रहेको भन्दै धैर्य र एकताको आवश्यकता रहेको बताएका छन्। उनका अनुसार अब देश अन्तरिम सरकारको दिशामा अगाडि बढ्दैछ, जसको मुख्य दायित्व चुनाव सम्पन्न गरी नयाँ जनादेश दिलाउने हुनेछ। शाहले जेन जीबाट अन्तरिम सरकारको नेतृत्वका लागि प्रस्तावित पूर्व प्रधान न्यायाधीश सुशिला कार्कीप्रति पूर्ण समर्थन जनाउँदै, युवाहरूको सुझबुझ र विवेकको प्रशंसा गरेका छन्। साथै उनले नेतृत्वमा चाँडै आउने हतार नगरी स्थायी समाधानका लागि लोकतान्त्रिक…

काठमाडौं, भदौ २५ गते । जंगीअड्डामा प्रस्तावित आगामी सरकार नेतृत्वप्रति असन्तुष्टि जनाउँदै युवाहरुले अहिले नाराबाजी सुरु गरेका छन्। जेन जी आन्दोलनका प्रतिनिधिले पूर्व प्रधानन्यायाधीश सुशीला कार्कीको नाम अघि सारेपनि बाहिर भेला भएका युवाहरु त्यसप्रति असहमति जनाउँदै विरोध गरेका हुन्। युवाहरुले नेतृत्व चयन प्रक्रियामा पारदर्शिता र सबैको सुझावलाई प्राथमिकता दिनुपर्ने माग गर्दै विभिन्न नारा लगाएका थिए। कतिपय युवाले काठमाडौं महानगरका मेयर बालेन शाहसहित अन्य नामलाई पनि वैकल्पिक नेतृत्वका रूपमा चर्चामा ल्याएका छन्। युवाहरुको दबाबबीच नेतृत्व चयनप्रति देखिएको मतभिन्नताले जेनजी आन्दोलनको आगामी कदम कस्तो हुने भन्ने प्रश्न खडा भएको छ।

काठमाडौं, भदौ २५ गते । नेपाल नागरिक उड्डयन प्राधिकरण, त्रिभुवन अन्तर्राष्ट्रिय विमानस्थल नागरिक उड्डयन कार्यालयले सार्वजनिक सूचना जारी गर्दै विमानस्थल अर्को सूचना नआएसम्मका लागि बन्द गरिएको जानकारी दिएको छ। उपत्यकामा जारी निषेधाज्ञा, कर्फ्यु आदेश तथा त्रिभुवन अन्तर्राष्ट्रिय विमानस्थल वरपर विमान उडान–अवतरण मार्गमा देखिएको धुवाँका कारण विमानको सुरक्षा गम्भीर रूपमा प्रभावित हुन सक्ने देखिएकाले यस्तो निर्णय गरिएको प्राधिकरणले जनाएको छ। विमानस्थल बन्द रहेको समयमा यात्रु महानुभावलाई अनावश्यक रूपमा विमानस्थलमा नआउन तथा सम्बन्धित वायुसेवा कम्पनीसँग सम्पर्क गरी मात्र विमानस्थल आउन प्राधिकरणले आग्रह गरेको छ। यस निर्णयका कारण यात्रुवर्गमा असुविधा भएकोप्रति प्राधिकरणले क्षमा प्रार्थना गर्दै, परिस्थिति सामान्य भएसँगै विमानस्थल सञ्चालनबारे थप सूचना दिने…

काठमाडौं, भदौ २५ गते । नेपाली सेनाले नेपालमा रहेका विदेशी नागरिकहरूलाई आपतकालीन वा जटिल परिस्थितिमा नजिकको सुरक्षा निकाय वा सुरक्षाकर्मीहरूसँग तुरुन्त सम्पर्क गर्न अनुरोध गरेको छ। नेपाली सेनाको जनसम्पर्क तथा सूचना निर्देशनालय जंगी अड्डाले जारी गरेको सूचनामा उद्धार तथा अन्य सहयोगको आवश्यकता परेमा नजिकको सुरक्षाकर्मीहरूसँग सम्पर्क गर्न आग्रह गरिएको छ। साथै, विदेशी नागरिकहरूसँग सम्बन्धित होटल, पर्यटन व्यवसायी तथा अन्य सरोकारवालाहरूलाई आवश्यक समन्वय र सहजीकरण गर्न पनि अनुरोध गरिएको छ। सूचनामा विशेषगरी अल्प समयमै उद्धार लगायत कुनै पनि सहयोगको आवश्यकता परेमा सुरक्षाकर्मीमार्फत समन्वय गर्न आग्रह गरिएको छ।

काठमाडौं, भदौ २४ गते । पछिल्ला घटनाक्रमलाई लिएर केही समूहहरूले सार्वजनिक सम्पत्ति तोडफोड, लुटपाट तथा आगजनी गर्ने कार्य भइरहेको भन्दै नेपाली सेनाले त्यस्ता गतिविधि नगर्न/नगराउन सबैलाई आग्रह गरेको छ। नेपाली सेनाले मंगलबार एक विज्ञप्ति जारी गर्दै यस्तो असामाजिक क्रियाकलाप नियन्त्रणका लागि नेपाली सेना सहित सम्पूर्ण सुरक्षा निकायहरू तैनाथ हुने जानकारी गराएको हो। सेनाका अनुसार मंगलबार राति १० बजेदेखि थप व्यवस्था लागू गरिने छ। विज्ञप्तिमा भनिएको छ, “सुरक्षा निकायहरूको प्रमुख जिम्मेवारी नेपाल र नेपालीको सुरक्षाका लागि हो। सबै पक्षलाई सहयोग गर्न हार्दिक अनुरोध गर्दछौं।” सुरक्षा परिस्थिति स्थिर भएसँगै पुनः थप जानकारी सार्वजनिक गरिने पनि नेपाली सेनाले जनाएको छ।

हेटौँडा, भदौ २४ गते । Zen Z आन्दोलनले आफ्नो आन्दोलन शान्तिपूर्ण, अनुशासित र सकारात्मक बाटोमै अघि बढ्ने स्पष्ट प्रतिवद्धता जनाएको छ। आन्दोलनका कार्यक्रम संयोजक पुरुषोत्तम यादवले मंगलबार विज्ञप्ति जारी गर्दै केही तत्त्वहरूले आन्दोलनको नाममा लुटपाट गर्ने, सार्वजनिक सम्पत्ति नष्ट गर्ने जस्ता गतिविधि गर्न खोजेको सूचना प्राप्त भएकाले सचेत रहन सबैलाई अपिल गरेका छन्। उनले आन्दोलनको नीति कहिल्यै पनि सार्वजनिक सम्पत्ति नष्ट गर्ने वा लुटपाटलाई प्रोत्साहन नगर्ने भन्दै यस्ता कार्यहरू आन्दोलनसँग कुनै सम्बन्ध नरहेको प्रष्ट पारे। यादवले भने, “लुटपाट हाम्रो आन्दोलनको हिस्सा कहिले होइन। कृपया सचेत रहनुहोस् र आफ्नो वरिपरिको समाजमा पनि सचेतना फैलाउन सहयोग गर्नुहोस्।” आन्दोलन अब वार्ताको चरणमा प्रवेश…