राप्ती खबर

मकवानपुर । मकवानपुरको हेटौंडा उपमहानगरपालिका–१६ स्थित गैरीगाउँमा गत शुक्रबार जमिन भासिएर बेपत्ता भएको बोलेरो गाडीको सम्भावित स्थान पत्ता लागेको छ। भूगर्भविद् कृष्ण पाण्डेको टोलीले “प्रोटोन म्याग्नेटोमिटर” नामक उपकरण प्रयोग गरी गाडी भएको आशंकित क्षेत्र पहिचान गरेको हो। गाडीमा प्रयोग हुने चुम्बकीय सामग्रीको आधारमा जमिनमुनि चुम्बकीय प्रतिक्रिया खोज्ने उक्त प्रविधिबाट गाडी भासिएको स्थानको केही पूर्वतर्फ तीव्र संकेत देखिएको भूगर्भविद् पाण्डेले जानकारी दिए। “तीव्र चुम्बकीय प्रतिक्रिया देखिएको स्थानमै गाडी हुनसक्ने प्रबल सम्भावना देखिएको छ,” पाण्डेले भने, “अब गहिराइ कति छ भन्ने पत्ता लगाउन अर्को विशेष उपकरण प्रयोग गरिरहेका छौं।” उक्त गाडी घाँस काट्ने मेसिन लोड गरिरहेका बेला अचानक जमिन भासिएर माटोमा पुरिएको…

मकवानपुर। हेटौँडालाई काठमाडौँसँग जोड्ने छोटो दूरीको कान्ति लोकपथ हिजो बिहिबारदेखि १५ दिनका लागि बन्द भएको छ। सडक मर्मतको काम भइरहेकाले वैशाख १८ गतेदेखि जेठ १ गतेसम्म दैनिक ६ घण्टा यो सडक बन्द रहने बागमती प्रदेश प्रहरी कार्यालय, हेटौँडाले जनाएको छ। प्रहरीका अनुसार ठिंगन–बगुवा सडक खण्डको भ¥याङडाँडामा सडक चौडा बनाउनका लागि चट्टान काट्ने काम सुरु भएकाले बिहान १० बजेदेखि साँझ ४ बजेसम्म सवारी साधन चलाउन पाइने छैन। यस अवधिमा हेटौँडा–काठमाडौँ वा काठमाडौँ–हेटौँडा यात्रा गर्ने सवारी साधनहरूलाई अन्य वैकल्पिक सडक प्रयोग गर्न सहायक प्रमुख जिल्ला अधिकारी राजेन्द्र प्रसाद कंडेलले अनुरोध गर्नुभएको छ। कान्ति लोकपथ सडक आयोजना, चाकुपाट, ललितपुरले निर्माण कम्पनीमार्फत बकैया गाउँपालिकामा पर्ने…